اخترنا لكم

وان قالو العذال وش فيك ما ابديت
ماني عـلى اسرار الاوادم نطوقي

امـشـي مع العالم على مـاتوريت
اعطي حقوق الناس واخذ حقوقي

.....

ياجمال الصمت في عز الكلام
ويا جمال الكلمه اللي في الصميم

ان لزمت الصمت ماتلقى ملام
وان حكيت المختصر وضعك سليم

.....

‏والله ان تقطف ثمار السعاده والنجاح
‏ كل ما أحسنت ظنك برب العالمين

.....

‏هدمت قصر الغرام وشلت سيسانه
وشنيت هجمه على ما قيّل مرتده

أقنعني العقل لو الروح ولهانه
بابً يجي منه رييح ان طعتني سّده

ما دام مالي معك يا صّاحبي خانه
سّلم على الحب والا حب لي خده

.....

‏لا تنزعج من كثر صدات الوجيه امن العباد
العيش تال الوقت بالوجه الحقيقي معجزه

.....

طبعي تجنب عن الناس واصد
لاشفت من لايستحق اهتمامي

صدي عن الي مايبادلني الود
شيمه لنفسي واحترام لمقامي

.....

مجاهد النفس أقسى من جهاد الحياه
ما بين عقلٍ ثقيل وبين قلبٍ خضر

.....

لا جفاك اللي تحبه فلا تلحق وراه
ما جفاك إلا وهو وده إنك تقطعه

عز نفسك عن تقفاه لا لقى قفاه
مخبل اللي كل ما أقفى وليفه يتبعه

.....

‏اخر رساله منك في شهر مارس
‏من عامنا الماضي رساله فريده

‏مني طلبت البعد والبرد قارس
‏ينخر عظامي والمشاعر وقيده

‏الحب جاير والوفا مثل فارس
‏خاض المعارك والليالي عنيده

‏عشنا وشفنا والتجارب مدارس
‏والنفس صارت من غرامك زهيده

.....

لا يستثيرك غيابي يالمهاه الجفول
قيسي مسافة ليال الشوق واقيسها

انا بدويٍ لي آهوايه وعندي ميول
وفيافي البيد تعرفني تضاريسها

ان رحت حطي لبيبان التراضي قفول
وان جيت شرهت رضى ليلى على قيسها

.....