فوق هام السحب ( الشعر الشعبي) على متن القوافي

شتان بين الواقع الي نعيشه
وأحلامنا الي مثلنا ما تجرا

الحلم من صدرك لحد الدريشة
والضيق من حد الدريشة وبرا

....

‏ياسعود ماينفع عتبنا مع اللوم
‏من يوم راح اللي مغطي ظهرها

‏قصت شعرها تبي موضة اليوم
‏حسبي عليها ليه قصت شعرها

....

‏أحب فيك الحب يا جامع أثنين
‏الزين وطبوع (ن) تكمل حلاتك

‏خالد الفيصل⁩

‏ناس غلاهم داخل القلب ما راح
‏يمشي معك في خافقك وين ماتروح

‏سبحان من سخر غلا بعض الأرواح
‏بعض البشر تفديه لو يطلب الروح

....

ما بعتك بالسحايب والبروق السمر والانسام
وساموني بتلويحة وداع وبعت بأول سوم

سئمت العيش نون وصاد واللذات سين ولام
بنادم والبنادم حيلته ما توجد المعدوم

بعد ما الصحف جفت وانت رحت ورفعت الاقلام
على حب من اول يوم وفراق من اول يوم

....

كم خطا خبّاه جهلي و كْشفته سنيني
إيه يا نفسي عليك أخطيت ماني جاحد

عيبي إني شلت واجد بالغلط في عيني
و عيبهم طاحوا مع الأيام واحد واحد

....

‏ماني صديق اللي يشيل بقلبه
‏انا صديق الطيّبين الندّر

‏أشباهي اللي طيبته من قلبه
‏يسامح المخطي قبل يتعذّر

بقلمي

‏إلا أنت خلك معي ولا تجافيني
‏غيرك يروح وجعله ما يجي ثاني

‏لا صرت قريب مني وما تخليني
‏ماهمني من هجر قلبي وخلاني

....

‏سألوا حكيم فقالوا له : من القوي من الناس
‏قال : هو من يستطيع أن يكبت جماح نفسه

‏فقيل له ومن الضعيف
‏فقال : هو من تسمع صوته مدويا

‏قيل ومن هو العاقل
‏قال : هو من ينحني للعواصف

‏قيل فمن هو المجنون
‏قال : هو من يدعي العقل

‏فقيل من هو التافه
‏قال : هو من يتصور أنه أذكى الناس

صباح المطر والنار والدله الرسلان
‏صباح القبال السمح والخاطر الراضي
‏
‏صباح الرفيق الي لاجيته وانا زعلان
‏تلاشت جميع اهمومي وطابت امراضي

بقلمي