اخترنا لكم

القصيد العذب وأكواب المقاهي
والهلا لا رحبت فيني عيونك

والشعور اللي أنا احسه تجاهي
لاضحك سنك معاي وزان لونك

والسكوت اللي معه كان انتباهي
كيف يفتنّي معك حتى سكونك

كيف صار العادي بجنبك يضاهي
كل لحظة مدهشة عدت بدونك

.....

‏برّاقة الجيد لك سقت القصايد مهر
‏ما تطلبيني رضاك أنت ِ علي تامرين

‏لك التغلّي ولعيوني عليك السهر
‏ ازعل على كل غالي لو علي تزعلين

‏ما يغري البدر طرف ٍ من سناك انبهر
‏عليك كبدي تسيل مْن الوله والحنين

‏أنت ِ من آل الندى والاّ من آل الزهر
‏ولاّ من الفجر وأنوار السماء تنتمين

.....

‏لا طابت نفوسنا من شيء وأقفينا
لا عود اللي خذاه الموت عودنا

.....

‏مديت لك عمري على كف يمناك
وغيرك على رجوى هلا مد عمره

نزعت بيبان الثقل غايه ارضاك
وشرعت لك قلبي ويا طول صبره

ميت شعور وفز قلبي لطرياك
واعرف شعوري ما يجي غير مره

.....

تعال وتذرّى بين غصن الرجا والياس
تحت جذع صدري لين توقف على حيلك

بعدها تعرف إن الذهب ذاك كان نحاس
ولا فيه أحد كثري من الناس صافيٍ لـك

.....

‏ يعيش الغلا باسباب ولا بدون اسباب
‏ لو اقدر اتوب من الغلا ماهو بتايب

‏تقول الحنين اسبابه الفقد والغيّاب
‏انا احن لك موجود واحن لك غايب

.....

ماقلْ ودلْ وزبدة الهرج نيشان
‏والهرج يكفي صامله عن كثيرة
‏
‏الذم مايهفي للأجواد ميزان
‏والمدح ماطول يدينٍ قصيرة

راكان بن حثلين

‏بنت قلبي وام روحي واخت عيني
‏سيدة كل العلاقات الحميمه

سعد علوش

‏مامشيت الا وانا عايف وعندي يقين
‏القلوب ان ذاقت الغبن ماهيب لاينه

‏رحت لا مكسور خاطر ولاشكلي حزين
‏وحافظ قلبي من العابثين وصاينه

.....

‏مهما يدور الوقت وتدور الليال
‏لك صاحبً رغم القطاعه ناطرك

‏أن ضاقت الدنيا أنا حزامك تعال
‏والله لضيق من يضيق خاطرك

.....