اخترنا لكم

لا ضاق صدري قلت يارب رحماك
ياللي بذكرك ينجلي ضيق صدري

استغفرك وأتوب إليك واطلب رضاك
ماغيرك احدٍ عن خفا النفس يدري

آمين

ارقى سنود ولايجي خاطرك شين
في ذمتي من عاق دربك نعيقه

وان عاندك مجنون حنّا مجانين
ومن لايهابك يبشر بنشف ريقه

.....

‏ما كل ما تلقاه عينك تمناه
بعض الاماني تنصدم بالحقايق

ولا كل شيٍ في الحياه انتحداه
الاقدار تحكمنا بحكم الوثايق

ولو كان كل اللي بغيناه نلقاه
ما شفت فالدنيا حزينٍ وضايق

.....

عوايد الدنيا وتصاريف الاقدار
إن مارضيت اليوم يرضيك بكره

.....

الا يا عين العديم الاشقر الجارح
هو اشقرن عاتقه وانتي بعد شقرا

طرحتك عيّت لا تستر رمشك الطارح
وش عاد في وجنتك وشفاهك الحمرا

نحرك شمسٍ عليها يسرح السارح
والخد يفضح ظلام الليله الغدرا

ما كنك الا السحاب اللي من البارح
يصبح على ساجر ويمسي على شقرا

.....

المعاريف نحفظها مثل حفظ الوجيه
والجميل اليا فعلناه ما ننشد عنه

وواحدٍ ينسى معاريف خلق الله عليه
ياعسى ماهو بمنّا ولا حنا منه

.....

‏وشلون ماغيّرت وجهك ظروف الزمان
‏كبرتي وعاد ذيك الساهيه ساهيه

‏لا زال وجهك على حطّة يدي من زمان
‏نيّر وثغرة بشوش وطلّته باهيه

.....

بداية نهايه مرحبا في امان الله
‏محبة وفاء وختامها مسك يالغالي

‏انا لا سمحت اقفيت واللي وراي اجفاه
‏اخليه في فاله وانا اروح في فالي

‏ما كني عرفت اسمه ولا عشت انا وياه
‏هذا طبعي الاول وذا طبعي التالي

عبدالله بن شايق رحمه الله

‏ليلة البرد مليانه مْن الذكريات
‏كل ذكرى جميله هبّ نسناسها

‏جعل من يحيي الاجساد عقب الممات
‏ميتيين المشاعر يحّيي احساسها

.....

شجاعٍ حذف لك بندقه والرصاص يثور
‏ ولا تذبحينه عقب ما سلّم سلاحه
‏
صالح النشيرا