فوق هام السحب ( الشعر الشعبي) على متن القوافي

‏أنا مدمن حركاتك وسربوتك
‏وقصيدي فيك فلتة عالم الذرّة

‏ترى خلاياي مدمّنةٍ على صوتك
‏كلمني الصبح مرة والمساء مرّة

....

‏تكشفكم الايام يا اهل التلوي
‏بكره تبين الطيّبه والرديّه

‏يعجبني الواضح لو إنه عدوي
‏واكره صديقي لا تلوّن عليّه

....

‏بين هذاك معطى وذاك مالله عطاه
‏وبين عيش الكفاف وعيشة ٍ فاخره

‏مكسب ٍمن حصل له راس مال وغناه
‏عافيه بالحياه وعفو بالآخره

‏سِعد من هو رصيده بالحساني ملاه
‏في رصيف النجاه مرَسّي الباخره

....

بعض المواقف تثيرالقاف وحروفي
‏والشعر مبطي رسايل مدحٍ اوذمي

‏وأنا سلامي على اللي لا وعد يوفي
‏وإذا نخيته بضيقٍ ينجلي همي

‏واللي تردى معي في شدة ظروفي
‏ماني بعده لو إنه من بني عمي

....

‏إطلالة الصبح تعطي للنفوس إرتياح
‏شعور يشَعُر به اللي قام صلىَ الفجر

‏إسأل مجرب تعوّد ماينام الصباح
‏وانظر عصافير تلعب فوق خضر الشجر

بقلمي

‏ياسلامي على تطبيق تابـي وتمـارا
‏محزم اللي تردى صاحبه في لزومه

‏له بوقت اللوازم وقفـةٍ ما تجـارا
‏فزعته للجميع اجناب وابناء عمومـه

‏ومن كسب فزعته لو يختفي ويتوارا
‏غصب عنه يسدد قسطه بنفس يومه

....

عسىَ من يمنون الجمايل بهمّ وضيق
‏ وعسىَ مالهم فضلٍ علينا ولامنه

‏يحسبون كسب الطيب بالصوت والتصفيق
‏عساهم فدىَ اللي يبَذِل ويبتغي الجنه

....

أسهر وانا في حاجة النوم بالحيل
‏والفكرصاحي لو تغمّض عيوني

‏اسري مع الأفكار ليلٍ وراء ليل
‏ما صرت اميز واقعي من جنوني

‏دنيا بها شفت العناء والغرابيل
‏دايم تعاندني وتخلف ضنوني

‏كم صدمةٍمرت مثل كبوت الخيل
‏واقول بأمر الله تزين وتهوني

....

‏لو جاك من بعض المهابيل زلات
‏أرفع مقامك لا تدقق ورآهم

‏وتجاهل الجاهل تعيش بسلامات
‏خذها نصيحه وابتعد عن غثآهم

‏ولا تشغل افكارك تراها سهالات
‏بعض البشر لا تنزل لمستوآهم

....

‏تبي الصحيح أني بلياك مفقود
‏جسمي هنا والروح عندك وهايب

‏تفداك عين تنظرك وأنت موجود
‏ويفداك قلب يذكرك وأنت غايب

....