فوق هام السحب ( الشعر الشعبي) على متن القوافي

كتبت ف الشعر مايطرى على بالي
وعزفت اجمل حروفي لك ولمثالك

والبوح بوح المشاعر والذهب غالي
وانا قصيدي ذهب يابنت يهنالك

....

تعال ضم الشوق في قلب ناداك
‏صبح على قلبٍ تحرّى حضورك ⁩ ㅤ
‏ㅤ
‏قل له⁧ صباح⁩ الخير والخير لقياك
‏الصباح ما ينور اذا⁧ غاب⁩ نورك

....

‏الحب مثل الورد واحساسنا تراب
‏يسقى من الاشواق قدام عينك
‏
‏الحب روح وقلب وعيون واهداب
‏وشفاه تهمس لك وله واحشينك

....

‏اثر القلوب تذوب من بعد الاحباب
‏وأثر الغياب غياب وصلك وصوتك
‏
‏وأقسى جروح الوقت صوتك اذا غاب
‏وأعظم عذاب القلب لحظة سكوتك

....

‏من أقوى مراحل قوة الشخصية
‏تواسي إنسان بنفس الموضوع اللي تعاني منه

‏ما كل ساكت ما على خاطره شيء
‏و لا كل صرخات الحناجر لها صوت

بقلمي

‏ابتسم للوقت واضحك للحياه
لا يروح الوقت في هم ونكد

عيش يومك واحتسب للي وراه
من يعد الوقت يبلش في العدد

ذائقة

‏شيمة الانسان ميزان اعتـداله وانحرافه
تنذره لاا شافت الأوضاع ماهي مستتبه

إن عجزت إنّك ترد النفس عن شيٍ تعافه
ماقدرت تحطّ نفسك فالمكان اللي تحبه

....

طيفك مثل طبع الهواء وين ماكان
‏ألقاه حولي وين ماكنت واكون

انت السماء والارض وانواع الالوان
‏وانت القمر والشمس والغيم والكون

....

العيش بلوة و امتحان و شـهـادات
والناس في الدنيا تلامـيـذ يـقـرون

منا من يـواصـل حـيـاتـه تـفـاهـات
ومنا من يطبق على الغـيـر قـانـون

أكره من يـحـاول يـدس الـعـبـارات
لكن احب اللي لـيـا قـالـو يـسـوون

كـل الحكي مـا ينحكي الا لـغـايـات
والا ترى مـاكـل مـن قـال مـجـنـون

وزين الحكي هومن يزيل المسافات
يوصل لقلب انسان ويقول ممـنـون

خلك من اول شي شوف النـهـايـات
هي من تحددمن معك أومن يخون

واستشعر اخطارك قبل رفـع رايـات
واعرف عدوك قبل من هـم يـودون

للشر كـم نسمع دروس و حـكـايـات
والخيرمايسكن سوى صدر مبخون

ومبادئ حقوق الـبشـر و الـروايـات
صارت مثل نكتة عليها يضـحـكـون

والناس ماتت قهر. واحزان وظ±هـات
ومن هو يراعي كاتم الهـم مـغـبـون

حتى الرفيق اللي ليا قال لـك هـات
أن ماعطيته مـاعـفـا عـنـك وتـهـون

وإياك من ظلم الـزمن والـمـتـاهـات
إن ما حذرت تقابلك غـدر وطـعـون

وياصاحبي لا تامن اهل الوشـايـات
ترى كثير الشك في حبس مسجون

ناس ن تغـطي وجـهـهـا بالعـبـايـات
وناس ن ليامـنك تجيهم يـروحـون

وحـنا على الدنيا ضيوف ورسالات
واحـنا تعودنا على ربـح مـضـمـون


....

دايم على الخاطر تجي مثل الأمطار
وانا اعترف أني من الشوق ضامي

أنا فرشت القلب لك ورد وازهار
وأنت بغلاك أخذت كل إهتمامي

....