اخترنا لكم

من الوفا نلبس على روسنا تاج
ومن يبذل المعروف بالناس يلقاه

ولاتقول الوقت به ميل وإزعاج
بيت الوفا كل الأجاويد تنصاه

.....

نجبر خواطرنا لنا عام وسنيّين
عسى الفرج لو طال دربه يجينا

.....

كل عطر وله تفاصيل وحنين
يستفز احساس قلب وأمنيات

ياخذك بين الأماكن والسنين
بين جزر وبين مد الذكريات

.....

خلك ابخل شخص في سوق الكلام
وخلك اجبن شخص في طعن القفاء

وان بغيـت تكـون فـي اعـلى المـقـام
احـسب الـف حسـاب مـن كلمة افاء

.....

‏أحيـان ننـدم مـن كـلامٍ نقولـه
‏وأحيان نندم ليه نسكت عن القول

‏الله يعيـن الحـرف لحظـة هطولـه
‏أنا أشهد أنه يكشف عقول وعقول

.....

مسّكر اذني ومقلل علاقاتي
تتساقط الناس من عيني وأخليها

مزعّل الليل ومخاوي صباحاتي
تمرني وجيه ما أحفظ أساميها

.....

‏من حلاها تقترب منها الغيوم
‏تبتسم للغيم ويتساقط مطر

‏ومن دلعها تختفي كل النجوم
‏النجوم نجوم والا انتي قمر

.....

‏لك الله ياغزه ولك منع منعنا
إذا ما انتقمنا لك من المجرم الوضيع

‏بذلنا على صون الشرف ما بوسعنا
وفي وسعنا نحمي شرفنا ونستطيع

دمانا الزكيه ثورت لجل ربعنا
ومهما صرفنا الدم ماشي لنا صنيع
‎

.....

والصحه احياناً على هيئة بشر
‏لاشفت من تغلية شفت العافيه

.....

مرّني لا تاه دربك من زحام الحياة
‏الغلا اللي رحت منه على حطت يدك

سعد بن جدلان

‏