فوق هام السحب ( الشعر الشعبي) على متن القوافي

ليتك تقول بعالي الصوت وشفيك
واقول لك يـ حي زولك فقدتتك

وتحلف بعالي الصوت والله مّ خليك
وانا اقول اني بقلبي حفظتك

....

يلي تغيب وغيبتك توجع الراس
ماشتقت لي وماجيت لحظه فبالك

من غبت كن الكون ماعاد به ناس
عايش على صورتك طيف وخيالك

....

اشتقت لاسلوبك ومنطوق فمك
يا أمل حياتي وين ما اوجه ألقاك

عليك أخاف أكثر من أبوك وامك
والله ما فيه مثل قلبي بغلاك

باقي معي اغلا هديه تهمك
صورتك كاتب فوقها ما اقدر انساك

....

انتظرتك لين ‏حي على الفلاح
‏وقلبك من القسوة ‏ما ظني طهر

‏لا تجيني لا بدت ‏شمس الصبآح
‏إنتظرتك ليل ‏وأعماني السهر

....

لبى القصيد الي تشوفه وتقراه
وش فايدة شعري اذا م اقريته

لولا عيونك يالغلا ما كتبناه
ولولا غلاتك يا غلاتي رميته

....

جبل جبل ماهمني حذف حذاف
ولاضاق من فعل المساكين صدري

قدري مع اهل الطيب والناس الاشراف
ماجيت ادور عند الانذال قدري


مشعل الشعيفاني

من لاملك روس الرياجيل بالطيب
لايحسب انه بالدراهم ملكها

واللي يجنب لانصته المواجيب
يبطي دروب المرجله ماسلكها


مشعل الشعيفاني

لاترخص ولد عمك لو انه جفاك وصد
مصير الضروف تعلمه وش ورى الصده

لاضاقت به الدنيا وضده عدو الجد
اول مايجي في البال فزعة ذخر جده


دوخي بن حريش

اخوك لامن شب نار العداوه
اهم حاجه لا تزود حطبها

النار إذا راقبتها في هداوه
تاكل حطبها ثم يطفي لهبها


عبدالله الطلحي

بين مدّاح البهايم وشحاذ الشيوخ
راحت وجيه الرياجيل مثل ظهورها

الدراهم علموك انها تلبسك جوخ
والكرامه نسيو يعلمونك دورها


سعد المشعبي