اخترنا لكم

‏ياهلي ياليتني دالهٍ سالي
‏ليت قلبي ماتولع بمضنونه

‏لا ولد عمي ولا هو ولد خالي
‏ويش اسوي يوم ربي بلاني به

.....

‏لا إله الا الله اللي لا إله الا هو
‏يامجير المستجير ومن لجى لك جرني

‏دلني لا تهت واصرفني عن اللي تاهو
‏واهدني للحق واغفر زلتي واسترني

آمين

لاتدّور ترى ماغير نسخة وحيدة
‏تلقى غيري ولكن منت لاقي بدالي

‏الفقيدة ماهو اللي يموت الفقيدة
‏غاليٍ صار مع الايام مهو بغالي

.....

‏البارحه في غبّة الوصـل سبّاح
‏واليوم من عرش المواصيل مخلوع

‏يا صاحبي صرح الهوى والوفا طاح
‏والقلب كنه من عراويه مقشوع

.....

‏يا راسي اللي ما تغيّر مباديه
‏لا زلت حاير في مباديك وأمرك

‏أشكرك وألومك على اللي تسويه
‏سنعّت خلق الله وضيّعت عمرك

.....

‏مصير الأيام تكشف لك كنين الصدور
‏كانك تشوف الوجيه وتجهل قلوبها

‏قلبك دليلك ليا اشتبهت عليك الأمور
‏لا تقرب اللي يجيك الشك من صوبها

.....

‏تجمل ترا والله ما للجميل أنكار
‏ولا ينكره من كان في راسه مروه

‏عسى راعي أبشر ما تقفي به الأقدار
‏ولا ينقطع ذكره ولا ينطفي ضوه

.....

‏ناسٍ مــن الطيب تلبسني قلايدها
‏وناسٍ من حقودها كن ودها قتلي

‏يالله عسّى الناس طيّبها وحاقدها
‏كلٍ له اضعاف ما نفسه تمنّت لي

.....

‏اما تسابقني على العز والطيب
‏والا معي يا صاحبي لا تردى

‏فلا تدوّر من ورانا عذاريب
‏حنا نشوف أهل الردى وانتعدى

.....

‏بين المقام الذرب والساس الاعرق
‏الطيب من يمناك والساس ساسك

‏لا تطيّب اشماغك من العود الازرق
‏يكفي شماغك طيب من طيب راسك

.....