اخترنا لكم

ماينجب عيال الرخوم الا الرخوم
‏ولا ينجب عيال السباع الا السباع

‏ولا يـدقق فـي صغيـرات العلـوم
‏الا اللي راسه ما يعـــرف الأرتفاع

.....

‏يا هني اللي ما همه غيــر هم اخرته
‏بايع الدنيا بسجـــدة ليل يبغا الجنة

‏ما يخلي غير ذكـــر الدين في ذاكرته
‏لا انتهى من فرض يومه ردّها فالسنة

.....

‏تمعّن الجملـه من القـوس للقوس
‏لاتغــرك الأحــلام واصحــى يا نايم

‏ما تنشرى روس الرياجيل بفلوس
‏تشــري لك الأمــوال روس البهايم

.....

‏ياللي مساكم ورد لافاح ريحان
محلا عبير الورد ساعة مساكم

انتم حبايب قلب واصحاب خلان
يامسعد اللحظات ساعة لقاكم

.....

‏ياللي عن أنـظـار المضافين خافي
‏مالي على التغريد بـغـيابكم شف

‏والنـاظر المـحـزون للنـوم عــافي
‏لا تطول الغـيـبات في حـالتي رف

.....

‏ادري وحـشـتـك لو تـكابـر بصدك
‏وادري خــيالي مـا يـفارق خـيالك

‏وادري حنينك صوب قلبي يحدك
‏حتى في بعادي ما تـركـتك لحالك

.....

‏حنا اختلفنا بالمشاعر والكلام
‏الوضع باين والعقول تصوره

‏تجيني تسلم وأرد لك السلام
‏مع كلمتين وضحكتين مزوره

‏مافيه داعي للتشره والملام
‏كلٍ ضميره في الحياة ينوره

‏ان جيت عينت الغلا والإحترام
‏وان رحت قلبي ما قدرت تعوره

‏مانيب من متسولين الاهتمام
‏ان ما حصل ما جيت منك أدوره

.....

‏لاجيت اسولف ماجهلت السواليف
‏واسكــت ليا منه دعـاني سكـاتي

‏الصمت احبه في حضور الملاقيف
‏حفظً لماء وجهي وتقدير ذاتي

‏واللي لغلطات النشـاما ملاهيف
‏حطيـتهـم في قائـمـة مهـمـلاتي

.....

اكتب على صفحة أمانيك تذكار
‏واخلي اللي ما يهمك يهمك

‏وافرّغ افكارك واغذيك بافكار
‏واخلط مذاق الحب كله بدمك

.....

للشوق باب ما لفوه المسايير
وللحزن من بين المعاليق مرسى

يا الخاطر الملتاع مسيت بالخير
بكره مع الايام تكبر وتنسى

.....