اخترنا لكم

للشوق باب ما لفوه المسايير
وللحزن من بين المعاليق مرسى

يا الخاطر الملتاع مسيت بالخير
بكره مع الايام تكبر وتنسى

.....

‏
‏تدري متـى يلعب بك الفــين وسواس
‏و تحس كنك فاهـــم النــاس توك

‏ليا ظلمك انســان كان اقرب الناس
‏وانصفك شخص ٍ تحسب انه عدوك

.....

‏الخبل بالمجلس لا تجلس تواليه
‏وســـوالفه بالــذات لا تعتراضها

‏خله بحـــاله قبـــل لا تبتلش فيه
‏وآترك ســـواليفه تســري بعضها

.....

‏تعالي الله لا يبيّض وجه دورات السنين
‏مسليات البال من بعدك ما هيب مسلّية

‏ما همّني كثرة تراحيب اللسان ولا اليدين
‏أهم شيء إن العيون مرحّبة ومهلّية

.....

‏فقدتك ما دريت إني بصير الفاقد المفقود
‏اشوف اشباهك توّزع في وجهي وين ما افرّه

‏يا ذنبٍ كل ما قلت انتهى بي دربه الممدود
‏لقيت عيوني تراقب حِماه وتكسر الجرّه

.....

اي والله انّا نحـب الشـعر ونـغرّد
‏مع راعي الجزل والجزلات نوفيها

‏الحرف جذّاب والمضمون متفرّد
‏معنى على دقّة اِمغنّى قوافيـها

.....

يا جاهل الشعر ماهو مسرحية عيال
‏والساحه نصـــون مذهبها وقانونها

‏حتى لو ان مصدر الألهام فيها الخيال
‏الشاعر يشـــوف حاجه ما تشوفونها

.....

‏صمتي وتفكيـري وجرحي والايآم
‏تجمعـت ضــدي وأنـا كنـت غافــل

‏حفلة مواجع قسمت صدري اقسـآم
‏منها عرفـت إنــي للاوجــآع كافــل

.....

‏من يطلب الراحه على كف الاحلام
‏يجيه كف الواقع اللي يصحيه

‏مع إن دنيانا زخاريف واوهام
‏لكن نسايرها على اللي تجي فيه

‏ونخوضها في قولة العمر قدام
‏كن العمر مضمون في كف راعيه

.....

‏قل للمساء اللي على طلتك طل
‏ياخذ من الليل الجميل ابتسامه

‏دامك مساء الشعر والعطر والفل
‏هاك الخفوق اللي مسائك غرامه

.....