فوق هام السحب ( الشعر الشعبي) على متن القوافي

‏إن جيت قلت مرحبا الله يحييك
وإن رحت منتب اعز من راح عنا

تغيب ماجبنا مجالك وطاريك
وترجع و تلقانا مثل يوم كنا

....

ﻻ ﺗﺨﺎﻭﻱ ﻣﻦ ﺗﺮﺩﻯ ﺏ ﺍﻟﻔﻌﺎﻳل
‏ﺍﻟﺮﺩﻱ ﺍﻟﻠﻲ ﺧﻮيه ﻣﺎ ﻳﺸﻴله

‏ﺃﻛﺴﺐ ﺍﻟﻠﻲ ﻑَ ﺍﻟﺸﺪﺍﻳﺪ ﻣﺎ ﺗﻤﺎﻳل
‏ﻭﻗﻔته ﺗﻜﻔﻴك ﻋﻦ ﻭﻗفه ﻗﺒﻴله

....

للطيـــب بـــاب وللردى عشرة ابواب
وكـــلٍ على مــا قــيــل يخــتار بابــه

راع الوفا والطيب يحسب له حساب
والى الــردي بيمــووت محــدٍ درابــه

....

‏الطيب بين الناس حظ ومكاسيب
وما ينحمد يا كود من يفعلونه

الله يبيض وجه من يفعل الطيب
والله يسود وجه من يجحدونه

....

‏تجمّل وجامل وكـرم ولاتشاور ضيف
وخلـك على صكات الاقدار متقوي

ومن لا يقدر حاجتك والزمان مريف
اجل لونصيته في الدهر ويش بيسوي

....

‏قبل اسافر وقبل ارتب اغراضي
‏فيه ذكرى عجز قلبي يخليها

‏اذكر اللي بنى نفسه على انقاضي
‏وشب له نار شوق وذبني فيها

‏السفر زين لكنه على الفاضي
‏ما يزيد الجروح ولا يداويها

‏ودي اسافر لديسمبر الماضي
‏مدري شلون جعل الله يسويها

....

‏يا فريد الغيد يالقلب العنيد
‏كيف قلبك صار يهواه الصدود

‏فالمحبه كيف قفلت الرصيد
‏وانت كلك ذوق واحساسك يزود

‏كان تبغا الراي والعلم الاكيد
‏انت غير وغيركم ماله وجود

....

‏قبل كـم سنه نشعا الليالي بدون عنان
‏من الطيش ماندري وش وجيهنا صوبه

‏نحسب السنيــن المقبله مالهـــا ديان
‏واثر كل لحظات الفرح معك محسوبه

‏علئ مزمــلك يا غايبي شــابت القيفان
‏معك جف منكـوس المفوه ومسحوبه

‏بيــــوت الحـــزن معاد غنو بها الركبان
‏هل الركب ملوا شاعــر الحزن واسلوبه

....

‏لا تظـآهر بالـسعـآدة وتلفـت الانتبـآه
‏والله ان قلبك من البعد فيه مية سهم

‏مـآ حـدٍ منـآ بسـآلي وهـو وجـهه وراه
‏راحت العـشرة مشـآريه ومبـآدل تُـهم

‏كل غـآلي يـشـــفع لـزلّته مـآضي غـلاه
‏ويش عذر الغـآلي العآقل اللي مـآ فهم

....

تثّر قرارات العواطف في قرارات العقول
‏ما كل شاعر يطرق أفكار العرب يحتلها

‏احدٍعطاه الله شعر واحدٍعطاه الله قبول
‏واحد جمعها كلها وواحد خسرها كلها