اخترنا لكم

يا نفحة الورد الذي أهفو له
ياصوت قلبي في السكون و رَدَّهُ

يا نزعة الطيش التي أبكي لها
يا لهف قلبي للغرام و حَدَّهُ

يا كل زاوية أراها في المدى
يا كل شيء في الحياة وضِدَّهُ

.....

اربع ليا جات فالرجال ياطيبه
الطيب والجود والاخلاق والذمه

واربع ليا جات فالرجال والخيبه
البخل والكذب والخذلان والنّمه

.....

‏لو جاك من بعض المهابيل زلات
ارفع مقامك لا تدقق وراهم

وتجاهل الجاهل تعيش بسلامات
خذها نصيحه وابتعد عن غثاهم

ولا تشغل افكارك تراها سهالات
بعض البشر لا تنزل لمستواهم

.....

ï»» تستحي لو مر في نفسك الخوف
خوف العزيز من المذله بطولة

العثره اللي من رجل حر معروف
جبر لخواطر ناقصين الرجولة

.....

ولا تبكين ياضيّ العمر كلّه ولا تبكين
‏ولا يطري عليك الدمع يا أوّل وأخر أحبابي

.....

كثر التغلي ما يخليك غالي
و كثر الزعل يملل الناس منك

.....

انا وياك رحنا والزمن الي جمعنا راح
ولكن ذكرياتك من خيالي وش يروحها

صورك استوطنت ذاكرتي وعاشت بسبع ارواح
لو يطول الزمن ما يقدر يشوه ملامحها

.....

‏ياهل البيت القديم وذكريات الماضي
دقت اشواقي بقلبي قبل دقت بابه

.....

ليت البشر مثل الصور تبقى على مر الزمان
‏لا موت ياخذها ولا حتى تغيرها السنين

.....

‏فمان الله يا قصة غرام واصبحت تذكار
صنعها الحب في لحظه ولا كمل تفاصيله

.....