اخترنا لكم

‏ما عاد تامرني الليالي وتنهى
‏وما احط عمري فدائره لا تحيّرت

‏وتغيّرات الناس ما اخاف منها
‏الخوف من نفسي انا لا تغيرت

.....

‏عوايد النفس ما يرتاح صاحبها
‏ان طاعها درهمت وان ردّها ملّت

‏ولو اني اكبّها من دون احاسبها
‏راحت على الوجه لا صامت ولا صلّت

.....

صدوف وقتي يا بعد عمري اصدوف
‏ومن البلا ما عاد صدري شمالي

‏ما عدت اميز في غيابك ولا اشوف
‏ولاعاد افرق بين سود الليالي

‏قلبي على جيتك ضامي وملهوف
‏مليت اعانق صورتك في خيالي

.....

‏المشكلة إن الخطاء ماهو بصغير
‏عذرك هزيل ومايحل المشكلة

‏تعال في عذرٍ مثل ذنبك كبير
‏وأمّا المسامح والعفو حنا هله

.....

‏صاموا معانا العام ناسٍ عزيزين
‏واليوم نذكرهم ولا هم معانا

‏يالله ياللي كلنا لك مطيعين
‏تدخلهم الجنه وتقبل دعانا

آمين

‏خذني على قد قلبي خل عقلي بعيد
‏العقل مهما كبر فالحب وش دخله

‏مشاعر الناس ما تمشي بعقلٍ رشيد
‏تمشي بحكم الغلا والعاطفه والولَه

.....

‏رفعت نفسي عن كلام المهابيل
‏ومهابد المترديّه والنطيحه

‏ترا الخبل تلقى بداياته خبيل
‏مهما كبر ما يستمع للنصيحه

.....

‏أثر الجمايل في بطون المجانين
‏أخير منها في بطون الصحاحي

‏على الأقل لا أنكروا فعلك الزين
‏لك حق ماتشرّه على غير صاحي

.....

‏مصير الأيام تكشف لك كنين الصدور
‏كانك تشوف الوجيه وتجهل قلوبها

‏قلبك دليلك ليا اشتبهت عليك الأمور
‏لا تقرب اللي يجيك الشك من صوبها

.....

‏تبختري بالعز يا شيخة الزين
‏ياللي عيونك غير دربك كفيفه

‏الله عطاك العقل والثقل والدين
‏والستر والحشمة ونفسٍ عفيفه

.....