فوق هام السحب ( الشعر الشعبي) على متن القوافي

عليك السلام ورحمته والسلوم سلوم
‏مازال الغلا بنيانه مقيم ومشيّد

‏لو اني حزينٍ من سواياك هاك اليوم
‏لكني حريص ان جيت ماجيت متصيّد

‏انا داري ان وجه المحبه ماهوب يشوم
‏تسيّد عليه العبد واستعبد السيّد

‏لاشفت الغزال اللي موالف بعير القوم
‏يسوقه لو ان ماهوب مربوط ومقيد

....

غلاك في قلبي يباري الشرايين
‏وينوب في بعض المواجيب عنها

‏أثر الغلا يا ناس مثل السلاطين
‏إلياّ نزل في قوم يحكم وطنها

....

ياحبني لك يابعد روح مغليك
‏وياكبر قدرك والحنايا مقيلك

‏إرسِ على عرش الهوى دامني فيك
‏وأنا غروري ينتشي يوم أجي لك

‏سبحان من سواك ثم قدّر أجيك
‏وأعيش أحلى هالليالي بليلك

‏تفضلي سمِّي لك العمر في شيك
‏وحروف توقيعه ياحبني لك

....

يعلق ويكتب ذوق واحساس وتعليق
‏وهو يعرف انه ذوق قلبي ووجدانه

‏يتابع ومتواجد معي داخل التطبيق
‏ويعرف اني اكتب ابياتي على شانه

....

على الهقوه اللي في رحاب الظنون تدوج
‏اركاب الاماني دكها شح مرعاها

‏لاصار العشم بابه بـ قفل الصبر مزلوج
‏لا يمكن نحد اهل المعاذير لـ اقصاها

‏عزاز النفوس تجنب المشرب المسهوج
‏لو الفقر تطبع بصمته في محياها

‏زحول المعرفه هرجها ماهو بـ مفلوج
‏واكبار البخت زين النبا يخدم اسماها

‏صحيح الظروف تحدنا والسنين تحوج
‏لاكن الوجيه البيض ندرى على ماها

‏لا شفنا الروابع تصتفق مثل صفق الموج
‏نصينا البيوت اللي على العز مبناها

‏مانقلط على اللي منكبه كنه مبنى هوج
‏حصيل الرمال الزاحفه وسط مذراها

‏عيال الرخى سكبت ملابس وصف هروج
‏ولا تغر غير اوادم كنها اياها

‏ترى اهل المهايط والحكي والعلوم العوج
‏زمول لاثقل حمولها طنب رغاها

‏سوالف طحاطيح السعه مالها منتوج
‏يامكبر دعاويها ومقرب معشاها

‏الى شان وجه الوقت والفوج قابل فوج
‏فريس المجالس خلها تمسك سراها

‏تحيزم لساعات النشب ببلج مرجوج
‏يشوف الجموع الهايله ويتمثناه

....

حي راسٍ ما توطيه الصعايب
يرتفع عند المصايب في علوه

خالقه ربي لوقفات الصعايب
الصعايب ما تزيدة غير قوة


....

‏نار المراجل على ماقيل وهاجه
وأهل الوفا تاخذ الحاجه وتعطيها

وليا نصانا عريب الجد في حاجه
تضيق* فينا الوسيعه لين نقضيها

....

‏ترى الرخوم اللي تفاخر بالفلوس
‏وتبخل على المحتاج حتى بـ مرحبا

‏مثل السيوف اللي تسلّلّ فالعروس
‏ماغير عرضه لا نصاب ولا شبا

....

ماعـــــاد في وقــتي ووقتك طماعه
حمــــلت حملٍ فــــوق ماني بــطايق

مافــــــــــادني لآأه واااأه ومـــــــاعه
ياكم في ادروبي لقــيـــت الــــعوايق

ومن كثــــر ما عانيــت عــندي مناعه
رايق مع اوضــــــاعي ولاني بــــرايق

ون كان تبـــــغى مــــن زمانك فـراعه
في محــــكم الــــتنزيل كل الحــقايق

وعلــيك باللتــــــــقوا وصف الجماعه
وفالفجر طب اهل الشقى والــشقايق

....

تجاهل الجاهل على شان ترتاح
‏واسمع من العارف لا منّه تكلّم

‏لا تندفع تنطح لك صياح بصياح
‏اصمت وحاول تستفيد وتعلّم

....