اخترنا لكم

هذاك أخوي اللي يميلون ما مال
في ذمتي يبطون ما يوصلونه

الله يديمه لي على كل الأحوال
ولا أعيش يوم من حياتي بدونه

ويالله عساني قبله بصفّ الآجال
ويلقوا غلاه بصفحتي ينشدونه

بشاير المقبل

عزّي لحالك يا عزيّز وأنا أبوك
كان الزمان اللي توطّاني توطّاك

افهم وصاتي يا عزيّز وأنا أبوك
دامك صغير وغاية العلم يقراك

تراه ما ينفعك خالك ولا أخوك
لا صار ماتقضي لزومك بيمناك

وصاة سليمان بن شريم لولده عزيز

لك فزعةٍ عند المواقف مُهيبة
وقدرك على كل المخاليق زايد

غيرك ليا من طاب قلنا غريبة
ولا أنت لا من طبت قلنا عوايد

.....

دام السماء لله ماضاقت الأرض
ماني من دروب المقادير جازع

لي موعدٍ مع ليلةٍ نجمها الحظ
أشوف فيها ما تمنيت واقع

.....

‏أستغفر الله من طيشي وتقصيري
الطيش بالذنب والتقصير بالطاعة

يا عالم بكل ما لا يعلمه غيري
رحمتك قبل القبر والحشر والساعة

آمين

أقبلت وأستغفر الله كأنها حوريّة
والشَّعر مثل الذهب يلعب على الأمتاني

إن تثنّت كأنها مأمورةٍ منهيًة
وإن تمايل عودها يا الله لا تبلاني

قلت وش هالغنج قالت لي كذا عفويّة
بنت مملوحة جميلة والجمال أطغاني

.....

واصاحبي ياطا على القطن وأحفاه
يامن يسوي له من الماء نعالي

ولا يسوي له على قد ماطاه
قطعة نعال من هبوب الشمالي

.....

‏ياما سبقنا نسمة الصبح شَفقِين
للراحة اللي في كفوفك تذرّى

ونشرّع الباب الشمالي نهارين
فيها نصفّ أحلامنا ونتحرّى

شفنا عجزنا نسكّر الباب للحين
عيّت يدينا في غيابك تجرّا

من قسوة الإحساس ومكاود البين
صرنا نخاف نسكّره وأنت برّا

جمال الشمري

تصد القلوب من الغلا والنفوس تمل
يهُون الجفاء لا شافت العين ماتكره

تَغَلّى بكيفك لو تصير المحبة غل
‏لكن لاتساوم من يحبّك على قدره

توريني أبواب المفارق وأنا ما أدلّ
مثل من يورونه قبل موتته قبره

تراي الفقير اللي غناته بكلمة ذل
تسامى وهو لو جاد فيها دفن فقره

.....

‏جعلنا في حاجة الي نخانا قادرين
‏إن ذكر معروفنا وإن جحد معروفنا

‏نجتهد وندور الطيب لأنا طيبين
‏ماهوب والله عشان الرجال تشوفنا

‏خالد ماطر