فوق هام السحب ( الشعر الشعبي) على متن القوافي

قال المثل من صد ماعاد له رده
ودي يرد الصدق والصدق ماودي

وعقب الف يوم اليوم مهموم من صده
ياللي تقول كلها ايام وتعدي

....

عندك خبر بـ انّك على البال دايم
واشتاق لك حتى وانا بين أهلي

مايفهم شعوري سوى شخص هايم
والظاهر ان به هايمٍ منتبه لي

....

حتى الأحاسيس صارت شبه ممنوعه
ما فيه مرتاح كل الناس منجرحه

احيان والشخص يضحك تنزل دموعه
واحيان يبكي وهو ميتْ من الفرحه

....

ما توقف الدنيا على صد مخلوق
الحمدلله عزت النفس تاجي

اللي يبينا قدره الراس من فوق
واللي يعاند ما يعكر مزاجيَ

....

اسمع من العقّال حتى تستفيد
وابعد عن الجهّال قدر المستطاع

يدلّك العاقل على الراي السديد
ويدلّك الجاهل على درب الضياع

....

لاعاد تنشد عن علاقات الاصحاب
ماتو ولا بقي سوا أهل المصالح

إذا بغو حاجتهم صارو احباب
واذا خذو حاجتهم مانت صالح

....

المحبه ريح والذكرى رماد
كل ما ذعذع هواك اتذكرك

ليه اعيدك جرح وادور ضماد
ليه اعيدك ليل وأرجع اسهرك

صرت ماضي مستحيل انه يعاد
والغريب أني رجعت ادوّرك

....

اشلون انا بنساك واستقبل الغير
ووسوم حبك واضحه وسط وجهي

لا تقول خيره والقدر لازم يصير
الخيره الي عقب فرقاك وشهي

....

اقرا ندم فعلك على بيض الاوراق
ليتك حسبت حساب سود الليالي

اقفيت يوم اني لك اقبلت مشتاق
واقبلت يوم اقفيت انا عنك سالي

وحدة بوحدة حق وافراق بفراق
وش عاد تبغى اليوم مالك ومالي

ان كان شمسك توها تشرق اشراق
الوقت فاتك شمسنا بالزوالي

....

بكره إذا دارت عليك الدواير
تذكر مواقيفي وتذكر عزومي

ولو تذرف عيونك كثير العباير
ماتنفع الدمعة وتقضي اللزومي

وإن كان في دنياك ذقت الخساير
ماغير وجه الله حبيبي يدومي

أرخصت لعيونك بلاد وعشاير
وابعد عليك الحين من النجومي

....