فوق هام السحب ( الشعر الشعبي) على متن القوافي

يمناك لو خانت مع الوقت يسراك
‏محدٍ يسرك غير مدت يمينك

‏لو تنبت الدنيا ذهب تحت ماطاك
‏ماينفعك في الآخره غير دينك

....

أحيان أحس إني لو أغيب عادي
وأحيان أحس إنك تخاف الغيابات

ماتشبه الا المجتمع في بلادي
مايذكرون المبدع الا اذا مات

....

شخص ٍ تفرّد في حياته تِميّز
تنافس الأخلاق مع قمة الذوق

اخذ مع الراقين لـ المجد حيّز
مايلتفت في كل ضايع ومطفوق

....

الا يالله اني طالبن طاعتك ورضاك
وعلم ليا ذكروا هل الخير نذكر به

انا في رجا عطفك وانا ملتجي لحماك
تفرج هموم القلب يافارج الكربه

....

‏يا عالم الغيب و النيات سبحانك
رحمتك خير من الدنيا و ما فيها

آسئلك يا رب توفيقـك وغفرانك
و سعادة ما تخيب قلب راجيها

ذائقة

استغفر الله كـل مـاخـاطـرك ضـاق
واستـغفـره لاصـار خـاطــرك رايـق

استغفر الله تـفـتـح أبــواب الأرزاق
وتـزيـل عن دربـك جميـع العـوايق

لايصيرحبـل الوصل مع ربك دقاق
تـراك مـاتـظـمـن حـيـاتـك دقـايـق

حافظ على الدين وتعامل بالأخلاق
واخـلـص بماتعمل لـرب الخـلايـق


عوض السلات

يامدور الغلطه على شخص غافل
لابد من يومٍ يجي منك غلطات

لاتحْسب أيامك بها العز حافل
ماتصفي الدنيا على طول الاوقات

أخشى الكريم اللي للارزاق كافل
هو الذي خلاّق سبع السموات

وخلك بدينك من هل الشر جافل
أبليس من بين المخاليق مامات


سعود الحربي

خلك على ماقيل رهن الاشاره
اليا نصاك اللي من القِلّ محتاج

اطْلِقْ له حجاجك وحشِّم وقاره
ولا تبدي اسراره على كل هراج

صنايع المعروف ماهي خساره
صنايع المعروف للـشّر مزلاج

واعرف ترا الايام تاره وتاره
ويـومٍ من الايام لابـد تحتاج

قاسم الصالحي

تمر الليالي مسرعه بين امان وخوف
وحياة الفتى دايم بالاخطار محفوفه

مايدفع خطرها غير صنائع المعروف
الياء قدمتها يدك ماهي بمكشوفه

م

حتى ولو غبت وراحت بك أعوام
مكانك بـ قلبي ولا أحدٍ يطوله

حب الطفوله ما تغيّره الأيام
وأصدق شعور الحب حب الطفوله

....