فوق هام السحب ( الشعر الشعبي) على متن القوافي

الموت حاصل وآخر بيوتنا تراب
والقبر مايرسل على العبد دعوه

عبد ٍ ضعيف وخايف يموت ماتاب
فان غبت عنكم فذكروني بدعوه

....

خلك بحر ماتعرف الناس سره
لوهاج موجه غبته تستر السر

وحكم بعقلك كل كلمه تمره
لاينطق لسانك على كل مامر

للصمت وقت وكلمة الحق مره
كم كلمه جابت لمن قالها شر

لاتشيل في قلبك من الكبر ذره
من يحقر العالم يجي يوم يحقر

تدري متى ترتاح وتكون في خير
لاصار مالك قلب يحقد على الناس

عش ف الحياه ويرزقك رازق الطير
ولغير رب الناس لاتخضع الراس

....

تدري من أكثر شخص بالناس محبوب
شخصٍ إذا شـاف الأوادم تبسـم

ماهو على الضحكه مع الناس مغصوب
طبع التواضع في حياته ترسم

....

العز ماهو شكل ولا مظهر
العز يبقى في النفوس مكنونه

كم ناس شفنا بالوفاء تتنكر
بالمكر والحيله عرفت فنونه

الوقت دوار والزمن يتغير
الا الذهب ماهو متغير لونه

....

صبرك على الدنيا ولوكنت مهموم
كثر الزعل ماجاب للنفس راحه

تزعل وترضى والقدر شي محسوم
والعبد يلقى بالتوكل فلاحه

والله كتب للخلق ماكان مقسوم
ماضاقت الدنيا وفيها مساحه

سامح وبايح واترك الحقد واللوم
خلك كريم وفيك عفوا وسماحه

....

‏يسعد مساء الحب والشعر والشوق
‏ويسعد مسائك ي مـنـور مسائي

‏مخلوق ساكن داخل اعماق مخلوق
‏هذا انت في قلبي تداعب خيالي

....

‏اروي عطش قلبي بوصلك تراني
‏انام بك احلام واصحى بك احلام

‏طيفك ليا من ناموا الناس جاني
‏واحرم عيونـي لذة النوم لا حام

....

‏ليت القلم يفهم معاناة الاوراق
‏ما كان من فوق الـورق سال دمه

‏ترسم أمانينا مفاهيم الاشواق
‏ويمسح معانيها الهوى دون ذمه

....

بعض البشر يعجبك حتى آحترآمه
وتحب فيه آجمل صفآته وترتآح

آن غآب تشفق في لقآه وسلآمه
واليا حضر همك من القلب انزاح

....