فوق هام السحب ( الشعر الشعبي) على متن القوافي

تدرون ويش أطيب من الجاه والمال
وأطيب من الشهَّرة ومن محتواها

لاصرت متعافي وعندك ستر حال
والناس مالك حاجةٍ من وراها

....

تبي الكلام الصدق بيني وبينك
‏اسمع معي هالبيت مادمت وياك

‏من باع كل الناس من شان عينك
‏حطه بعينك واجعله نور دنياك

....

‏يسعد مساء اللي فقدني من الناس
لاغبت يفقـــدني و لاجيـــت هلاّ

ياسيــدي قـدرك علي العين والراس
هاك القصيد وفي قصيدي تسلاّ

....

‏حي المساء اللي نشوفك تجي فيه
ياللي عليك الروح كل يوم توله


يالذ واجمل شي تطري طواريه
ياغاية المشتاق واللي يقوله

....

‏فرشت لك رمشي وخليته إلباس
اهـم حاجه ياهوى البال تدفى

لايلحقك شكه ولا نوع وسواس
انا عضيدك لو بك الناس تجفى

....

‏على سبيل الصمت يامكبر البوح
‏والعين تحكي بوح قد طال صمته

‏بعض الكلام يعانق الروح ويروح
‏وبعض الكلام يموت بك مانطقته

....

بشويش ي شوق لفى اخر الليل

هونك على جرح المخاليق هونك

....

المجتمع مخلوط صاحي ومجنون
ماكل شخص تفكره يقضي الحاجه

خلك معاهم مثل داين ومديون
تاخذ وتعطي كل واحد علاجه

....

‏ياحي طبع اللي يصون الصداقه
حتى لو انّه ماتعنّى وسيَّر

يحفظ أصول المعرفه والعلاقه
ويبقى على طول الدّهر ماتغيّر

....

ترى صدور الناس مثل المخازن
‏ياما بداخلها من الشر والخير

‏وأكبر نجاحك في الحياة التوازن
‏والصبر لاصكت عليك المقادير

....