فوق هام السحب ( الشعر الشعبي) على متن القوافي

‏كلام السفيه ان مر ماضر مهما كان
‏ولا اثّر على سوق التجاره ولا العمله
‏
‏لاشفته يحاول يسرج الخيل لـ الميدان
‏وانا خابره مافيه قوه ولا صمله
‏
‏تبسمت له ماهوب ذله ولا نقصان
‏تبسّم نبي الله سليمان لـ النمله
‏

‏وَمن يعْتَمد يَوْمًا على اللهِ يكفِهِ
مخافَةَ مَا فِي الْيَوْم والأمس والغدِ

فَلَا ترجُ غيرَ اللهِ فِي كلِّ حالةٍ
مُعيناً فَمَا لَا يُصلح اللهُ يفسُدِ

وش قومك وش فيك ولا علامك
قد لك معي كم يوم وعلومك علوم

وأنا أدري أني يا مرامي مرامك
لو تقعد الدنيا ولا تقدر تقوم

عطيتني قلب وبخلت بسلامك
وش فايدة حبك أنا منك محروم

لا عاد تزعل وأحيني بابتسامك
ضحكك يزيل أوجاع وجروح وهموم

وكلام عينك ما يهمش كلامك
كلام عينك كوم وحكاك لي كوم

لا غبت عن عيني روح أنشد غرامك
تلقاك في قلبي مقلط ومحشوم

بعدين يا غلا الناس وفر ملامك
ترا الغلا يجفل على كثرة اللوم

دونك خفوقي ممتلي من سهامك
ولا شكيتك جرحه وقلة النوم

القلب مثل الطير وفر حمامك
إن افلس قبال السما يقلب الحوم

لكن قبل لا أنسي بنبهك دامك
مسلم وباقي كم شهر يدخل الصوم

لا يذبح الموضوع قل اهتمامك
طعني وشوفلك شيخ يفتي لك اليوم

ما ظنتي يا زين يقبل صيامك
ريقك عسل علمني شلون بتصوم


محمد بن فطيس

يا عيد سود العيون استنكرن منّي
وشلون ابارجع وارجّع وقتي الماضي

اسأل عن حالهن ما سائلن عنّي
الله يغربل حياةٍ جوّها فاضي

يا عيد رمح الهوى بالقلب طاعنّي
والحب يمضي ورمحه بالهوى ماضي

يا عيد حدب الضلوع تصيح وتحنّي
من عام الأول وانا صابر ومتغاضي

يا عيد أنا مولعٍ بصغير السنّي
والحال منّي قضى وأنا بعد قاضي

يا عيد لي صاحبٍ فاتن وفاتنّي
ولو مبسمه سمّ قبّلته وانا راضي



خلف بن هذال

‏نصبر على المكتوب لو جار ما جار
‏و نجبر خواطرنا و لو هي كسيره

‏و حكم القدر واقع ولا تنفع أعذار
‏و إعرف ترى بعض المقادير خيره

‏أنا وروحي وعذب الشعر جينالك
‏والقلب نبضه معكـ ويقول كلي لك

‏والشعرمرسالي المخلص ومرسالك
‏والقلب مهما قست الأيام وافي لك

الامل مفقود من فتره طويله
والحظوظ العاثره ما فارقتني

عايش ايامي ولا باليد حيله
والحياه العاصيه ما صادقتني

‏يا ساتر الزلّه بثوبك تعلّقْت
‏ياالله صباح المغفره والتوافيق
‏.
‏جرّبت لذّات المشارب ولا ذِقْت
‏ألذّ من ذِكْرِك على فكّة الرِّيق

‌‏من ضحكة الضاحك ومن لومة اللّايم
دنياك ماهيب لك عشره .. على عشره

فيها الفرح و الحزن دايم ماهو دايم
بتشوف ما تشتهي وتشوف ما تكره

مبطين ماجانا من الغيم هتان
واليوم زان الجو وزداد غيمه

يامرحبا في طلته كل ماحان
يالله عسى مثله علينا يديمه