فوق هام السحب ( الشعر الشعبي) على متن القوافي

‏هذا المساء يحتاج دلة وفنجال
وقلوب ينبع من صفاها العذوبة

لا فكروا بدنيا ولا فكروا بالمال
والضيق لو هو حولهم مادروبه

....

‏في سما صدري لك نجوم وقمر
‏وفي محيط القلب شمسك شارقة

‏لاتحسب إن الغلاء وقت ويمر
‏والله إن حبك علامة فارقة

....

أجعل أسمك فالمقام الأولي وأصنع مصيره
‏يوم تقسيم الفعول ويوم ترتيب الأسامي

‏حتى فالدين الصفوف الأوله غير الأخيره
‏الاجر يفرق ليا صليت فالصف الأمامي

....

‏من يماشيني على الطيب يبشر بسعده
‏يعتبر روحي بروحه ولو راحت فدى

‏ومن يماشيني بعكسه فيلزم مقعده
‏والله انه لانزل من صعود ولا بدى

‏لاعملت الطيب فاللي يعرفه يشهده
‏والردي تعمل به الطيب ويعود ردى

‏وكل من سويت به علم طيب وجحده
‏كم جميل حط في غير موضعه وغدى

....

الحظوظ تطيب من طيب السريره

والنوايا البيض راعيها موفق

....

صغار الجمايل في عيون الكبار كبار
‏
وكبار الجمايل فالردييّن مجحوده

....

‏ترى الغلا يعطى من الروح للروح
‏وانت الذي تسكن معاليق روحي

‏اسرار حبك دونها الصمت والبوح
‏وعطر المشاعر من غلاتك يفوحي

....

شحت علينا أشـعارنا والقوافي
‏وزادت مواجعنا على العدل والميل

‏من نام منكم جعل نومه عوافي
وراعي الغلا معذور لو يسهر الليل

....

فارض قدرك على القلب حبك من سنين
‏المشاعر صادقه والجوارح صامله

‏والله ماشوف المخاليق كون بنص عين
‏وأنت لامريت لديت عيني كامله

....

والله ماقفّى واحدٍ عنّا وقلنا له تعال

نقول دلّوه الطريق اللي يودي لاغدى

....