فوق هام السحب ( الشعر الشعبي) على متن القوافي

البعد وحشة والمشاعر غريبه
يامطول الغيبات غرك زمانك

تدري متى تندم على كل غيبه
لاشفت غيرك جالس في مكانك

....

‏جعل ماجانا من الوقت كفارة ذنوب
‏
وجعل طربات الليالي تجي متخاوية

....

‏

‏شفت الفجر مع طلعة النور ضاحك
قلت الأكيد إنه لمح بسمتك لمّح

مدري صباح الخير وإلا صباحك
بالحالتين الخير في وجهك السمح

....

‏احب نفسي لاعذرت اللي مهو وجه معذور
واحب نفسي لا تركت عرض العرب واسرارها

واخاف من يوم الرحيل ويوم تنبيش القبور
كثر ما اخاف من الذنوب كبارها وصغارها

....

ضايق ومستانس وراضي وزعلان
مدري وش اللي جمًع الكل ​فييني

احيان اجر الصوت مغرم وطربان
واحيان اجر الصوت وتھل عيني

....

بيني وبينك وصل الاشواق ممدود
‌‌يجتاحني طيفك لو المسافه بعيده

‌القلب مايعرف مسافات وحدود
‌‌القلب طيرٍ لاعشق فك قيده

....

يامساء الكيف والبن النظيف
‏نسكبه للي لهم قدر وغلا

‏ندري أن الكيف ما يكمل بكيف
‏إلا إذا حطوا مع القهوة حلا

....

‏يامل قلبٍ كل مامات همّه
‏دارت دواليب الدهر لين تحييه

‏احدٍ ينام وحطّ راسه بكمّه
‏وأحدٍ تخمّ النوم عينه وتخطيه

....

‏ما الله خلقني للمخاليق تبّاع
‏ولا أشرب الشربه وغيري سكبها

‏أما خذينا مطلب الروح بذراع
‏وإلا تعف أرواحنا عن طلبها

....

‏يسعد مساكم ياهل الطيب والجود
ويسعد مسا منهو على القلب غالي

انتوا غلاكم داخل القلب موجود
ماينمحي من وسط قلبي وبالي

....