فوق هام السحب ( الشعر الشعبي) على متن القوافي

‏غابت مشاعر خاطرك واختفى الصوت
وراحت بقايا طلتك مع وعودك

ياغايتي تدري وش اقسى من الموت
إنك تعز إنسان ناسي وجودك

....

يامن مررتَ على حروف محمدٍ
‏احذر تمر على الحروف بخيلا

‏ردد صلاة الله واتلُ سلامَه
‏أَكرِم لسانكَ بكرةً وأصيلا

اللهم صل وسلم وبارك على نبينا محمد

معي وجه واحد ماتغير مع الايام

‏على حشمته عند الاوادم وتقديره

....

‏مااخترت غيرك وقلبي فيك وصاني
انته دواء النفس غيرك مايداويها

يحرم علي حب غيرك واحد ثاني
ياطب قلبي وياروحي وامانيها

....

‏العمر كلّ ما زادت أيامه نقص
‏والنَّفس تكسب طيبها بأخلاقها

‏كم واحدٍ قلبه على الدّنيا حرص
‏واقفى وخلاها وهو ماذاقها

....

نعيش فالدنيا معاريف واحباب
نسمح خطايانا ونعذر بعضنا

واللي يدور للجفا فكه الباب
خلوه يفرح ياعرب في عوضنا

حنا بشر وتردنا كلمه عتاب
ولاعمرنا للناقصات انخفضنا

....

قالوا علامك كل ماحل طاريه
تنسى البشرحولك وتذكر خياله

قلت انشدوا القلب ليا غاب غاليه
قلبن تعب من الشوق يا ويل حاله

....

مساء الذوق والورد وغلاكم
‏وشموع الود والبسمه القريبة

‏مساء الطيب ياروعة حلاكم
‏مسائي عطر طلتكم وطيبه

....

مسيت بالشوق يا اغلى من تمنيته
ونفس تحبك عن عيون البشر عيت

لاشفت اسمك على الجوال واوحيته
كل المشاعر لعينك هلت وحيت

....

لازان جو القصيد وفاحت الدله
نقدع ثمار الحروف وطعمها حالي

وأسج مع هاجس يبري لي العله
وأسعد ولو كان قلبي من الفرح خالي

....