اخترنا لكم شعر نبطي وفصيح

اي والله اني من ظروفي تعلمت
بعض البشر لاطحت ماينفعوني

حتى ولو اني بحاجاتهم قمت
أكيد انا لا أحتجتهم يخذلوني

أثري بواجد في حياتي توهمت
ذخرتهم للمعضلات ونسوني

.....

إليا ذعذع الغربي وحرك غصون الراك
وناح الحمام بعالي الصوت يجهربه

أجاوب حمام الدار يالايمي عساك
يحـدك زمانـك يم من لاتبي قُُربـه
‎
رشيد الزلامي رحمه الله

لا اله الا انت رحمتك يالله يارحيم
رف بحال الي جفى النوم جفنه وهجره

ادري ان مافيه حي على الدنيا مقيم
مير سد الصبر لامره الحزن فجره

من فقد محزم معزه وعوق للخصيم
والله ان تنزل دموعه لو القلب حجره

منكسر قلبي من الفقد والله العظيم
مثل كسرة يابس العود من فند شجره

.....

هذي حاجتين تكشف اللي خفاه بعيد
لا طال المرض والاّ ليا طالت الطرقه

سعد بن جدلان رحمه الله

يا النوم مالك نية تمتطيها
ترى العيون اللي تحراك ملت

.....

نقول للمقفي محلل ومسموح
حتى لو انه بالنهايه خذلنا

من عادت الدنيا ابتسامات وجروح
حنا نعرف اطباعها ما جهلنا

اللي بيتركنا على الدرب ويروح
لا يبتسم في وجهنا لا وصلنا

.....

تصبح الدنيا وأهلها على شمس الصباح
وأنت شوفك صبح ثاني وشمسٍ ثانيه

.....

تطاوعـك القوافي كلها بالوزن والتركيـب
بشعـرٍ مقصده يرضيـك في لونه وتلحينـه

ولك الحب المطرز بالوفا والود والترحيب
يفداك العمر ياكل الغلا يا شمعة سنينه

.....

خفو على الناس من كثر العتب والملام
يكفي ضروف الحياة اللي يعيشونها

.....

أثر المصايب ماتجيك الا من الناس القراب
وبهالزمن حتى الخوي الي تثق فيه احذره

لابارك الله في رفيقٍ تزعله كلمة عتاب
ولاجمع الله الرجال اللي تفرقهم مره

عودت نَفسي كِل ما شددت لليمّه ركاب
ما اصد وجهي عن طموح الا ليا جبت خبرّه

الصاحب اللي مايجي من صحبته غير العذاب
نذر علي ان ما هجرني والا انا اللي ب اهجره

من يفتح لفرقاي باب أفك له عشرين باب
و أذا خوي مايقدر خوتي ما اقدره

إن روحـو فانا بري منهم ليوم الحساب
وإن جرحوا قولو لهم ماحركو فيني شعره

شِفهّم لهم حول السنه ولا خَذو مني جواب
احسـن دوّى للي يحاول يستفزّك تَسطره

.....