فوق هام السحب ( الشعر الشعبي) على متن القوافي

لا ضـاق صـدرك واظـلـمـت دنـيـاك
اسـتـقـبـل الـقـبـلـه و وزع هـمـومـك

ما يـنـفـعـك هـاذا ولا يـنـفـعـك ذاك
ولا فـيـه غـيـر الله يـقـضـي لـزومـك

....

قالوا بعد حيي بلهجة السناعيس
لهجة جبل شمّر ودار الطنايا

شمّر روايه ماحتوتها القواميس
شمّر حكاية عشق بين الحنايا

احب شمر والله

‏غير الوفاء و الطيب لا ما تخيّرت
‏لو مالت الأيام ماني بمايل

‏باقي على ساق الوفاء ماتغيّرت
‏تسوقني الشيمة وأسوق الجمايل

....

الصاحب الغالي ليا من فقدناه
نسعى على شوفه بكل الوسايل

والا الردي لاصد واقفى شكرناه
كنه ليا فارق مسوي جمايل

ماكل غالي يسد بغيبته غالي
هذا مكانك وذا بيتك وذ قدرك

كم حاولوا يشغلون بغيبتك بالي
بس اشغلوا حالهم وانا على خبرك

....

يانور عيني دام* عيني لها حق
هات الحقوق وهاك صافي حنيني

الشوق في قلبي مع دقته دق
مدري متى تلمس يدينك يديني

....

‎إحساسنا ما له علاقه بالأخلاق
‌‌‎الآدمي مخلوق يذكر وينسى

‌‌‎مرات من زود الغلا نحن ونشتاق
‌‌‎ومرات من كثر الخطا لازم نقسى

....

‏يا مرحبــا باللـــي يـــدور حضـــوري
يا مرحبــا مليـــار مــن داخــل الروح

ناســن تواجدهــــم يــداوي كسـوري
بلســم مــداوي كــل ضايق ومجروح

غاليـين فــي قلبــي وغايــه ســروري
شمعـه حياتــي قربهــم راحـه الروح

ملزوم انا فــي قربهـم شي ضروري
اصبــح تواجدهــم بالاعماق مطروح

....

‏يا مناديب المحبّه ونسناس الهبوب
فيك ما يشفع لـ دمعٍ رفع لك رايته

تبت من حبه وقلبي معيي لايتوب
مفلسٍ لاتاب منه ولا ادرك غايته

....

قالت تغزل في عيوني بالاشعار
قلت اعذريني صعب نوصف حلاها

صعب نجيب الشمس في جو الامطار
من تحت قوس الليل يكشف غطاها

....