فوق هام السحب ( الشعر الشعبي) على متن القوافي

بديت اتعمق بنفسي ولا اهتم لـ كلام الغير
يقولون الهوى غفله وأقول إن المدى واعي

غديت اودع المقفي ولا احب اسمع التبرير
أشووف ان التفاصيل الكثيره مالها داعي

....

سراب الأعذار مايقطع ضما الوارد
‏في عينه الأرض جردا والسماء زرقا

ردودك الباردة وأسلوبك البارد
‏كنّها توريني المنهاج والفرقا

وأعذارك الواهيه من ذهنك الشارد
‏أغصان هجرن عليها ناحت الورقا

من دون طيحة غلاك حروب ومطارد
‏والعين ماطاح منها مستحيل يرقا

....

ياليت قلبي مثل قلبي وانا صغيّر
لاجاني النوم نمت وطابت ايامي

يانوم قل لي وش اللي فيك متغير
لا الوقت وقتك ولا الاحلام احلامي

....

طيب الحال ما ننساه لو كان غايب
سيرته تحيي الجلسه ولو ماحضرها

كنه السكر اللي بـ الفناجيل ذايب
تختفي قطعة السكر ويبقى أثرها

....

منك الحلاوه كلها مستمده
ومنك السعاده نابعه والأناقه

وحده حبيبي فـ الحلا بس وحده
روحي فداه وراحتي في عناقه

....

تدري وش أصعب حاجة مالها طب
‏حب يجي تاليه دمعه وفرقا

حسبي ع الفرقاء وحسبي ع الـحب
‏وويل العيون اللي من الدمع غرقا

....

لو نكتب الشوق ماتكفي دفاترنا
يفنى الورق والقلم يكتب لنا وصاته

لو نكتب الشوق يطلع في مدامعنا
الشوق واضح على المشتاق نظراته

....

أهواك أهواك واستهوي لقاك
يامن تملكت قلبي والحشا

أعيش بذكراك وتفكيري معاك
ياظبي بستان مربع للرشا

لو خاطري جاك يستعطف رضاك
فلا تقل سِر وجداني فَشا

القلب مأواك والمُهجهْ دِفاك
وفُل نيسان بالطيب انتشا

ارفق بمضناك أو خذني معاك
وخُذ لِعينك حبيبي ماتشا

....

‏استراحة القراء....

ليس فى ديننا علاقة بين الرجل والمرأة
إلا الزواج وماعدا ذلك فهو باطل
جُملةً وتفصيلاً
علاقات حب صداقة إلكترونية
صداقة عمل صداقة محترمة
صداقة نِقاش وو.. إلخ
وكل هذه المُسميات
ماهى إلا تمرير للمنكر لا أكثر
ومحاولة تحسين صورته
حتى يصبح الأمر عادى
ولا يستنكرونه
صديق المرأة هو زوجها
أو أبوها أو أخوها أو ابنها فقط
وصديقة الرجل زوجته أو أمه
أو أخته أو ابنته لا غير

لابد من عقب المطاريش معواد
ولابد من عقب المواجع عوافي

ولابد من عقب السهر لذة رقاد
ولابد من عقب الكدر جو صافي

....