فوق هام السحب ( الشعر الشعبي) على متن القوافي

‏ترى مسساء الخير منّك عوافي
لاقلتها لي زان جوّي وروقـت

هات مساء عذب الاحساس دافي
وخذني شعورٍ ماتغير مع الوقت

....

اتعبوا لأهدافكم ياهل الحلم الشغوف
‏عنفوان زهور الأعمار قافيها المراح

‏الفشل لاتجعلونه ذريعه للوقوف
‏هو تراه أول مراحل محطات النجاح

‏ما يعديك المهونه ويلحقك الشفوف
‏غير ممشاك بشجاعه وعزمٍ من كفاح

....

بقى ذنب واحد من ذنوبي عجزت أنساه
بعد ما هداك الله يا قلبي على التوبه

لك الشوق يا ذنبٍ تركته لوجه الله
عسى سيئات الشوق ماهي بمحسوبه

....

‏خلك على الوجه الأبيض وأصلح النيه
‏لاتقول هاذي لأجل هاذي مسويها

‏قل جعلها حسنةٍ تقضي على السيّئه
‏الناس مهما تسوي صعب ترضيها

‏يا الله بذكرٍ جميل وسمعةٍ حيه
‏والوقفه أللي تبيض وجه راعيها

....

من فيض إحسانيهما يجري الرضا
وبجود ما يهبان يخضر الثرى


اللهم اغفر لي ولوالدي
رب ارحمهما كما ربياني صغيرا
اللهم جازي والدي عني خير الجزاء
ووالديكم وجميع المسلمين والمسلمات
والمؤمنين والمؤمنات الأحياء منهم والأموات

ما نجبرك للحب ياللي تغليت
الله يسهل دربك اللي مشيته

ماجاك مني غير طيبي و ياليت
تذكر مواقيف الوفا ما نسيته

ياما علشانك من القلب لبيت
وياما علشانك قلوبٍ جفيته

وياما علشانك نويت و تمنيت
وياما على لقياك حلمٍ بنيته

....

‏مازلت لاهي وأنا من غيبتك ما ألهى
كنّي عن علوم غيرك فالعمر منهي

مازلت أناقش خفايا الروح واسألها
الحاجه اللي تعوض غيبتك وشهي

....

‏تعبان من كثر إحتراقي ومكبوت
‏ما بين عشق ولهفتي ب إلتفاته

‏وش يذبح المشتاق ويحس ب الموت
‏إلا مفارق شخص يسوى حياتـه

....

اقرب اشوفك يامكحل عيونك
واضمن نجاك من كل زله ضمانه

تعال مالي روح تحيى بدونك
يامن خذيت في قلبي اعلا مكانه

اظهر معي في الوصل كامل فنونك
مادام روحك في حياتي مصانه

....

‏مع كل طلة شمس ياصبح الآمال
‏أعيش وأبدا لي حياة جديده
‏ٰ
‏على رجى من غاب عني ولا زال
‏يختال مابين الفواد و وريده

....