فوق هام السحب ( الشعر الشعبي) على متن القوافي

عزاز النفوس تعيش في قمة الاحراج
‏من الوقت وظروف الزمن ذاقت المُره

‏ياليتك قتلت الفقر يا يوسف الحجاج
‏عشان الكبود اللي من سنين محتره

....

اكثر اللي ضيّق اخلاقي وفوّر دمّي
‏موقفٍ يوم القيامة ما حسبت حسابه

‏مقدر اعطي حسنةٍ وحدة لبويه وامّي
‏واعطي اللي كنت ماحبّه وكنت اغتابه

....

‏من عقب ماكانت الأيام تجمعنا
ماكنت متصور أنك تبتعد عني

شكراً على كل حاجه مالها معنى
وآسف على الأهتمام اللي بدر مني

....

‏ودي ارد قلبي بالغزل ياغزاله
‏لايسوي سوات اللي يهمّل رفيقه

‏الهوى لذّته في طيشه وفي هباله
‏ولذّة اول شعور وربكة اول دقيقه

‏وجهٍ اللي يشوفه ينبهر من جماله
‏وطلةٍ تجعل الرجال يشرق بـ ريقه

‏ودي امثل مثول المتهم للعداله
‏ماعلي دامني بين اليدين الرقيقه

‏العفو ياشبيه اللي جفل من ظلاله
‏نظرتي في التفاصيل الدقيقه دقيقه

‏انت حتى الذهب يزهاه جيدك لحاله
‏ويتلاشى على غيرك ويفقد بريقه

....

‏اهتديت لباب وصلك وانا عابر سبيل
‏ايْه يازين الهدايه عقب طول الضلال

‏جيت في ثوب البشاره بعد صبرٍ طويل
‏مرحبا يا قالط النور فلاج الليال

‏ردني لمسامر الليل وعتاب الخليل
‏قد خذيت من الغرابيل فصْل من الدلال

‏اثر عاد البدر وضاح والغربي عليل
‏والعمر فرصتْه مره وزينته الوصال

....

قلبي مساك وليلي بشوفتك غير
يااللي غشاك الليل قلبي يحبك

يسعد مسا قلبك انا قلبي بخير
بس انت قلي يا الغلا كيف قلبك

....

‏أجمل عطور الشوق من كف مغليك
‏كنــه يقول امسيت والنور نورك

‏اقلط على دلة غرامك واقهويك
‏واقند قصيد مايبي غير شورك

‏ايوالله ان الغيم يشبه معاليك
‏وان المطـر يــروي ضماي بحضورك

‏تعــال نرسم بالثرى طبعة يديك
‏وارســم على كفي غلاي بشعورك

....

‏لاكثرت علوم العرب فالزم الصّمت
الخوض فالمجهول مابه فوايد

هاذي نتايج مادرست وتعلّمت
من واقع الخبره وزين العوايد

....

لاتوصّي و أنت ما تحتاج في حبك وصّايه
وين أروح ووين أوجّه وأنت في كل النواحي

ما يفرّط فيك غير اللي معه قِلة صحايه
مستحيل إنه يفرّط فيك مستبصر وصاحي

....

ما كل من يضحك سعيد بدنياه
وما كل من يبكي دموعه حزينه

أحدن بكى والكل يدري عن بكاه
واحدن مع الضحكه تحس بونينـه

....