فوق هام السحب ( الشعر الشعبي) على متن القوافي

‏ان خفتي ادور بدالك تحلمين
‏الي تعلق فالهوى يموت فيه

‏اشوف وجهك في وجيه العابرين
‏مع فارق التشبيه يالوجه النزيه

‏ابيك و الدنيا تبي و انتي تبين
‏ واليا اجتمعنا صار كل الي نبيه

....

تغيّب وتجي بعد الغياب تسأل عنّي
وانت تدري ان حالي بدونك حزين

تعبّت انتظر جيتّك وتعبّت استنّي
بخلت بوصلّي لين ناصلنّي الحنّين

من اليّوم لاعاد تحط عينّك بعينّي
لو كنّت اعنيك ماغبّت عنّي سنّين

....

فيك فن وفيك بوح وفيك ذوق
وفيك كل اللي من الدنيا بغيت

كل ما فيني عليك يموت شوق
والمشاعر و الخفوق الي خذيت

....

‏يسعد صباحٍ جاب ذكرك على البال
‏باب الوفاء مفتوح بألفين ذرفه

‏اترك هجير الشمس في وارف ضلال
‏شموخك سنا نارٍ على راس شرفه

‏سمو ذاتك منهج دراسه للأجيال
‏يملك مجال اثنين نحوه وصرفه

....

دايم على الخاطر تجي مثل الأمطار
وانا اعترف أني من الشوق ضامي

أنا فرشت القلب لك ورد وازهار
وأنت بغلاك أخذت كل إهتمامي

....

‏كل ذكرى ترتبط معك بمكان
‏حبلها بالذاكره جداً متين
‏
‏َشفت فيك اللي فقدته من زمان
‏لاتخليني يتيمك مرتين

....

‏لـو نجازي كل غلطه بالزعل
مابقى معنا من الرفقه رفيق

بس نتجاهل عن المخطي لعل
يدرك الغالي ويرجع لـ الطريق

....

‏من القلب للقلب....

للذين يزرعون الورد والياسمين
على شرفات قلوبنا
الذين تركوا أثرا معطر بالسلام
على الدرب أثناء العبور
للذين لهم بصمة مميزة
على أوتار الحياه
و لوحة مزينة
على جدار الذكريات
لهم الف دعاء وامنيات بالخير

‏احفظ لسانك عن اعراض المخاليق
واستغفرالله كل ما اصبحت وامسيت

ينزال عنك الهم والحزن والضيق
ويعطيك ربك كل ما طلبت وتمنيت

بقلمي

والله انك فوق ما حولك نزول
والله ان نفسي لقربك هاويه

زادك الله فوق خلق الله قبول
من يقول ان البشر متساويه

....