فوق هام السحب ( الشعر الشعبي) على متن القوافي

‏يبقى الغلا لو فرقتنا المشاريه
والشرهه اللي بالخواطر تروحي

كلن يعاتب بعض الاحيان غاليه
والود يبقى فوق كل الجروحي

....

خدرة السّود الوساع اللي تقيدها المبادي
لا استحت غطت بيدها ضوح نور ونار حيه

اقتصاديه وانا فالحب ماني باقتصادي
كل يوم انحر لخاطرها من احلامي ضحيه

....

الزين ياسعود مشغولٍ تلفونه
والظاهر انه بعد ياسعود عطلاني

ادق عشرين مره مايشيلونه
ياسعود ماكنّ وسط البيت عرباني

رحت اتنشد عنه ناسٍ يعرفونه
قالوا عشيرك لقى له واحدٍ ثاني

قلت الله اكبر ماصدّق ما تقولونه
ماهو بـ حّقٍ لطيف الروح ينساني

....

هذا ايام التلفون الثابت الله يادنيا

من زين عينه تقول برمش عينك زناد
ياخذ عقول العرب في رمشته لارما

الزين لو له بلد بتصير ريس بلاد
وكل البشر تحسد اللي للبلاد انتما

والا انت ريّـس بقلبي يـاحبيبي وكاد
لك وسط قلبي قصورٍ عاليات وحما

ماتقتحمها طلايع جيش طارق زياد
لو سلّو سيوفهم من فوق كل ادهما

....

بين كسرات المواليف والركن الشديد
من يسكّت عند فرقاك صوت النايحه

استقري فـ ايسر الصدر وبيوت القصيد
واتركيني لـ ازرق الدمع وانتي رايحه

عاد لو راسي حديده وقلبي من جليد
دمعتي عند الموادع لابدها طايحه

طبيعة الدنيا مصافح وتوديع
لاتتعب احساسك ورا شي تشقى

اللي تخاف انه يبي يضيع بيضيع
واللي تمنيت انه يروح يبقى

....

ياكثر حبك بقلبي والغرام اكثر
واتخيل وش قدر احبك وانت غربالي

ياخلطة المجد والريحان والعنبر
والريح تستاذنك يالطيب الغالي

روح وين ماتشتهي روح قد ماتقدر
انا اول الناس بقلبك وانا التالي

يحق لك ياصغير السن تتكبر
الا على الي يحبك يابعد حالي

....

امووت بك ياللي على شوفك ادمنت
ياحبي الغالي بك الوقت لي زان

كل شيء بلقى له بدل فاقد الا انت
لاغبت وين القى بدل فاقد انسان

....

ارك أحلام عمري للكريم اللطيف
‏أساله رحمته ويكون في عونها
‏
‏ماني أطهر عباد الله لو اني نظيف
‏عندي أخطاء واجد ماتشوفونها

....

لاتعاتب جاهل ولا تلوم أحمق
فليس كل ما تسمعه أذنك
أو تراه عينك
يستحق منك أن تحرك لسانك
كرد فعل عليه
فقط صن لسانك
ليرتفع قدرك ويعلو شانك
أو على الآقل لتحفظ مقامك
ولا تفقد إحترامك
كن عاقلاً حكيم
ولا تفقد إيجابيتك مع الحمقى والسلبيين


بقلمي....