فوق هام السحب ( الشعر الشعبي) على متن القوافي

نعيش فالدنيا معاريف واحباب
نسمح خطايانا ونعذر بعضنا

واللي يدور للجفا فكة الباب
خلوه يفرح ياعرب في عوضنا

حنا بشر وتردنا كلمه عتاب
ولاعمرنا للناقصات انخفضنا

....

ما كل شي تطلبه دوم تلقاه
ولا كل غالي المُنى لك تجيبه

الوقت في دنياك محدٍ تعدّاه
كلن بها الدنيا نصيبه يصيبه

....

يمر الوقّت ويدور الزمان وتختلف الأيام
‏وأنا روحي حبايبها على خبّري حبايبها

‏ولي دربٍ على وضح النقا والملتقى قدام
‏فجّوج الوصل لو تبعد علي ماني بهايبها

....

سقنا فعول الطيب لو الزمن شاح
على الوفا بروس المراقيب نرقى

لا احدٍ يقول ان الوفا بالزمن راح
دور ومن دور مع الناس يلقى

....

‏لاتتبع المقفي ولو كنت تهواه
‏
لاخير في وصلٍ يجي بالمذله

بقلمي

المرجله درب العيال المطاليق
‏اللي على سـاس المراجـل تربوا

‏ولا الردي عايـش زمـانـه تلافيق
‏من قوم لاجات الصمايل تخبوا

....

الود بين الناس ماهو مطر صيف
‏تضحك سماه وتختفي في ثواني

‏الود له قيمة ومعنى وتشريف
‏فيه احترام ووصل طيب ومعاني

....

‏غريب بعض الناس مايذكر الزين
مايذكر الا الشين لامن زعل منك

ينسى جميل ايام وشهور وسنين
غلطه صغيره عقبها يبتعد عنك

....

ﻻﻗﺎﻣﺖ ﺍﻟﺪﻧﻴﺎ ﺗﻌﺎﻛﺲ ﻣﺴﺎﺭﻙ
ﻭﺍﻟﺤﻆ ﺭﺍﺑﺾ ﻭﺍﻟﻠﻴﺎﻟﻲ ﻣﻌﺎﺳﻴﺮ

ﻋﻴﺶ ﺍﻻﻣﻞ ﻭﺍﺻﺒﺮ ﻋﻠﻰ ﻣﺎﺟﺮﺍ ﻟﻚ
ﻭﺍﻋﺮﻑ ﺗﺮﻯ ﻛﻞ ﺍﻟﻤﺼﺎﻳﺐ ﻣﻘﺎﺩﻳﺮ

....

اقراء كلامي يا الغلا وافهمه زين
لاتحسب احساسي مجرد خواطر

كل ماكتبت لخاطرك يااريش العين
كله مشاعر من صميم المشاعر

انت الذي أعنيه وسط الدواوين
وانت الذي خليتني صـرت شاعر

وانت الذي وسط الكبد والشرايين
وانت الذي في الروح ناهي وآمر

....