ديوان قصائد لشعراء المملكة العربية السعودية (متجدد)☘️☘️

قصيدة ارجل طفل مرثيه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
278 مشاهدة

في مثل هذا الوقت اخذته ويآ ليت
في مثل هذآ الوقت مآجيت اخذته
بعز انشغآلي مآ ادري اشلون له جيت
ويآليتني من قبل مآ امشي حضنته
جآني وحب يديّ.. وْلِيِديه حبيت
من طبعه الليّن وحُبه.. عشقته
قلت احضنه اذا وصلنآ الى البيت
وللحين ادوّر حظنه اللي فقدته
بلمحة بصر حنا اصتدمنآ بوآنيت
ومن بين خمسه وآحد اللي خسرته
صحيح انا مع الثلآثه تآذيت
إلا ان موتي بْكل مآصآر ذقته
ربي كتب.. وانا رضيت وتعنيت
والوقت لو يرجع.. وربي رجَعته
فقيدنآ يطري إذآ اصبحت وامسيت
اكلمه واقول كلْمآ لمحته
هو صدق يآ خآلد..؟ يقولوآ توفيت
واحس كنّه رد.. كنّي سمعته
لا احدن يقول اني بمآ قلت جنيت
ياكم شعور بوسط عيني دفنته
ما انسآه لو اني معآكم تنآسيت
ولا انسى بعد وشلون بِيِدي قبرته
وخآلط ترآب القبر دمعي.. وبلّيت
اخر لقآ.. بآهآت قلبٍ سكبته
باللي مضآ كآن الغلآ ذآيع الصيت
ما اذكر مابين اخوآني اني نهرته
دون الاخوّه كنت مُعجب وحبيت
الطيب والعزّة وشي مآفهمته
ارجل طفل.. عليه يآمآ تحديت
ويآكم كسبت ارهآني اللي رهنته
يآهو ينومس كآن عنّه تحآكيت
وشلون لو بين السوآلف نظرته
وللمدرسه يآمآ تمنى.. وتمنيت
اني اشوفه لآكبر.. ليت شفته
خذآه ربٍ يحيي النآس ويميت
وانا على كلْمآ عطآني شكرته
بآقي كثييير وباختصر في شطر بيت
ما اذكر فقدت انسآن قد مآفقدته
وين انت يآخآلد وليه انت قفيت
وتركت اخوك اللي تمنى.. حظنته

قصيدة ياطير حنا في زمان المحابيل
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
272 مشاهدة

ياطير يامن كبّلتك المحابيل

سلم على خشم الذي جيت بيديه

قلّه سواد الليل مايترك الليل

وقله قمر خمسة عشر من يضاهيه

انا اشهد اني ماعزفت المواويل

إلا بعد ما صافح العبد واليه

انا ضحيّة ما اخزنته المراسيل

كني يتيم وفارقه من يربيه

ياطير انا ويّاك مانعشق الميل

واللي بدى من خافق الروح نخفيه

كنت بفضى جوك ولا تقرب النيل

وانا حصاتي وسط موجه تناجيه

واليوم عيشتنا اسارى تعاليل

وكلٍ على مافات يسهر ويبكيه

اكيل من حزني وانا اشوفك تكيل

والدمع مايرحم على الخد راعيه

الوقت ماله ذنب في كذبة ابريل

حنا بلينا وابتلتنا بلاويه

ياطير صرنا في زمان المحابيل

والهم فينا صار يكفخ جناحيه

قصيدة وطن قلبي
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
267 مشاهدة

حنا بوطن يحتاج لمواطنينه

والموطن الاصلي يبيله مواطن

ان قيل هرج القلب لمترجمينه

عْقولنا بكل اللغات اتراطن

واللي عطا الطعنات لمسآلمينه

اعطا الشفاه اللي تبيه.. وتعاطن

ياهنّ حنّ شوي.. مسكنك لينه

وظآهرك غيّر ماتكنّ البوآطن

قل للمسا.. هالوجه ماتذكرينه

والا القمر.. يمكن على الروح فاطن

ملهوف ابيك وجمّرت بي مدينه

وعيونك بنظرآت شوقك تبآطن

الضيق والدمعه وقفل الخزينه

من زود مافيني على القلب حآطن

حآولت اغض الفكر عن شامتينه

لكن على دفع الجريمه تقاطن

لاياوطن قلبي.. وياموآطنينه

خذني ولو غيري بقلبك موآطن

قصيدة قسايم المحبه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
270 مشاهدة

ياليت عندي بالمحبه قسايم

لأعطي حبيب الروح منها قسيمه

دايم اشوفه في مواصله نايم

وارجي من الله ليت ربي يقيمه

وجوي على المزيون بالحب غايم

ولامن تثنا زاد بالجو غيمه

وان احمد الله حظي اليوم قايم

والقلب ياسعده سكن في نديمه

وهذا زمانن صعب تلقى الندايم

حتى الرفيق الله وكيلك بقيمه

خذني على النيه وانا اجيك هايم

خذني حميمن دوم يرضي حميمه

انا عن الشينات يازين صايم

امشي بخطوطن كلها مستقيمه

ولا قد خذيت بهرج معتوه لايم

يروح البهيمه مثل ماجا بهيمه

والطيب فوق الراس مثل العمايم

وافكاري يالمزيون كلها سليمه

والصيت عند الناس بالخير عايم

ومنهو نطحني بلّغه بالهزيمه

قصيدة سلام ياللي على بالي
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
269 مشاهدة

سلام ياللي على بالي

وانا ادري اني على بالك

في غيبتك جالس لحالي

وفي غيبتي تجلس لحالك

بالله قلي عن احوالي

وانا اقولك عن احوالك

احباب ع المر والحالي

وماجاني البارحه جالك

الشوق نبرات موالي

والشعر بالروح يسعالك

ياليتني وسط مرسالي

واطير يالقمرا وارقالك

وآظمك لصدر الآمالي

واحقق العمر بقبالك

انته سحابي مع رمالي

والحب نبته من رمالك

امشيك واكون بك سالي

واقووول منّك انا هالك

بالبُعد مايعجبك حالي

ولاهي بتعجبني احوالك

لكن مدامك على بالي

الله يخليني ف بالك

قصيدة طفل حالم
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
270 مشاهدة

وكآآآن يجري طفل حآلم تطرد احلآمه سنينه

كآن يجري خلف قلبه كآآن يجري كآآن يجري

اييييه يآبحْر المشآعر كم خذآ شوقه سفينه

كم جهل ضيم الموآني كآن بس بالحب يدري

ومن كبر شآف ان ضنينه مآكبر يصبح ضنينه

رآآآح مع فرحة زمآنه آآآه ليته رآح بدري

قبل مآ يعتآد موجه يصفق بصدره حنينه

قبل مآ يصبح غرآمه شآيب بعجزه يهذري

وكل من شآفه بشطّه قآل يآربي تعينه

ايه انآ حلم الطفوله والطْفل بآقي بصدري

ايه طفلي ضآآآع حلمه مثل مآضآعت سنينه

بس تدري ويش يقهر..؟ الطْفل مآزآل يجري

قصيدة بلاك بيري
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
270 مشاهدة

اللي انا ويّاه فبلاك بيري

دآيم نغني من حروف الهوآوي

كنت احسب انه مآيعطّل مسيري

وكنت احسب اني تآلي الليل ضآوي

وفرمت جوآلي وثم طآر طيري

وقعدت ما ادري وين دآر المدآوي

مآكنت ادوّر باليسير العسيري

ولآ اْبي حكآيه.. بس يآآهو حكآآآوي

شعور غير ولآ لفا اْنسآن غيري

يغوي ولو مآني بإنسآن غآوي

حسبي عليك الله يآبلآك بيري

ياللي معآك الدآله يصير هآوي

قصيدة الصوره اللي على الجوال
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
267 مشاهدة

الصوره اللي على الجوال يا محمد

مليانه إحساس في ذكرآه يحييني

حطيتها والسبب معروف متعمد

امسي واصبّح واشوف الخل بيديني

للشوق نارٍ بكف الغير تترمد

لكن معايه تقضي بآقي سنيني

يعني المشاعر إذا جت يوم تتجمد

احطب من الذكرى ثم آقول زيديني

الوصل لو له كيابل بيننا تنمد

سويت مليون كيبل بينه وبيني

لكن بعيد وعلى كل حآل نتحمد

ربي هو اللي أخذ وان شاء يعطيني

وان جت على حبه بأقصاي متغمد

بين الحنايا لطيف الروح يسقيني

والصوره اللي على الجوال يامحمد

تقتلني بشوق ولآمن مت تحييني

قصيدة من جهينه إلى الاشراف
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
267 مشاهدة

البارحه بنات فكري مسايير

واخترت من بين الجزال المهاوي

قصيدةٍ تسوى جميع التعابير

ولافرّعت تصبح حكي كل راوي

لاماتدوّر عن يدين الدنآنير

ولاهي بحرّه طآح بيد شآوي

مْدلله ومْعززه بالتصاوير

يطرب لها الغاوي وقلب الهواوي

واليوم هذا غير وحْكايته غير

ماتشبهه بين الحكاوي حكاوي

كنه صباحٍ تكتسيه النواوير

والا كما ليلٍ من العز ضاوي

حضرت من دعوة بعيد التفاكير

ابو عط الله سعْد عين المخاوي

ثم جيت اشرّف وآتشرّف ولا آسير

إلا وانا ذيبٍ على الرجم عاوي

وارحامنا الاشراف ربعن مغاوير

مثل الدوى في وقت مابه مداوي

كبيرهم آمير يسواله آمير

وصغيرهم على المرآجل شفآوي

ولاهم بحاجة مدح او زود تسطير

تاريخهم يطرب عيون النداوي

لكن نبي نعطي على العلم تبرير

ونفوّح العنبر على عود جاوي

مْن الشجاعه لين فك الازارير

عاشوا ولاقالوا على وين نآوي

شرٍ لذي شرٍ وخيرٍ لذي خير

ويستاهلون اللي لربعه فدآوي

والا الكرم ماهو بطرسٍ وتحبير

الجار وهو الجار يمسي غناوي

وش عاد لآجآهم من العآلم مْجير

انا اشهد انهْآ مآتخيب الرجآوي

مثل السحاب اللي تكآثف على بير

وين انت يالضامي لقيناه راوي

وان جيت للخوّه رجالٍ مناعير

ماقرّبوا صوب الدروب الملآوي

مثل النقا للي يبي زود تفسير

ومثل الطريق اللي يجيك متساوي

اقولها وانا على الطنخه مْغير

ومن ربع تسخر للمكآرم خطآوي

ابن الدبيسي يامنشّد عن الغير

وربعي جهينه لا ارجعت للهقآوي

ماهو بعلمٍ روّجتْه الاسآطير

حنا هل الوقفات يوم العزاوي

ومصيّرين اللي على دربنآ يصير

لا ماخذينا اللي خذينا هناوي

من وقتنا اللي بالسيوف البوآتير

ألين ما الطنخه علاجٍ وكآوي

جبت الخبر وانا على شمّخ النير

وعلى السمان مْن الجزيلآت هآوي

واختامها يا هالوجيه المسآفير

صلوا على المُرسل بعلمن سمآوي

والمعذره لاصار بالحرف تقصير

زود الغلا مايجعل الشعر قآوي

قصيدة اطهر حزينه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
263 مشاهدة

في ممرات المحاني عطر من روح الاماني

وفي فؤادي موطن المحروسه بعذب السكينه

اذكر اول آآآه يا اول.. من يرجع لي زماني

البساتين ولقانا وابتساماتٍ امينه

قالت ان حلّ الوداع ومالقيتك بالاغاني

قلت مايقبل حياته منهو مفارق ضنينه

دوري غيره سوالف خلك اقرب من مكاني

عاشقك يقرا الكفوف وشاف اسمك في يدينه

قالت اتصدق ياروحي سامعتك بلا اذاني

واشعر اني قبل اعرفك انتظر نورك مدينه

وانتظر اسمك يحرك مع شعوري بك لساني

وانتظرك الليث واحلم اني اسكن في عرينه

صافحتني.. ثم عذرت العاشق إليا اصبح اناني

واكتشفت ان المشاعر بين يديها رهينه

ومرت سْنينٍ هنيّه بين عذبات المعاني

كانت ألطف من عرفت وكانت ايامي ثمينه

وجهها العيد وبرائة حسها طفل التهاني

وشَعرها لامن تناثر لمّت عيوني بحينه

وخدها اجمل حلاوه طعمها والله ثااااني

والشفايف جرح دآمي من قرْبه الله يعينه

وعنقها مع خصرها مع طولها مع ويش جاني

الجمال الطاغي الهادي يعذبني حنينه

هذا موجز والتفاصيل ان توالت لي اعاني

لاتلوموني وربي عشقها بحر وسفينه

لكن الوقت وضروفه غيروا مجرى كياني

الوداع اقبل عليّ وامتلا جوي غبينه

افترقنا ماعرفنا ويش تخفيه المواني

ولابقى للصبح نور وحلمنا شحّ بيمينه

وعشت ما ادري كيف عايش.. حزني الفاجر وطآني

كني الطفل الوحيد اللي مفارق والدينه

في ممرات المحاني دعوه لروح التفاني

في ممرات المحاني صورةٍ لاطهر حزينه