ديوان قصائد لشعراء المملكة العربية السعودية (متجدد)☘️☘️

قصيدة جهينه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
261 مشاهدة

بعض المعارف تدمل الكبد وتعل

وبعض المعارف واهني من ظفرها

شرواك يانايف كما السيف ينسل

في وجه من صحبة رفيقه نكرها

ما أقول عقلي من كبر خيبته مل

مير الليالي علّمت من سهرها

إليا صفا صاحبك من طنّخته عل

واترك كسور القوم للي جبرها

وماني على فعل الاجانيب منغل

لي لابةٍ ع العز ربي فطرها

فيها ايتعزوا شيخ قومٍ ومنذل

وانا آتعزوا لاطروا لي اثرها

تشفي غليلٍ من زمانه تبهذل

ياكم رمت بالحفره اللي حفرها

والراس كنّه لاقبل الشر مختل

ومنها الوجيه السود بيّن قهرها

هذي جهينه والمواقف تجمل

ماض الزمن لو هو نطق لك ذكرها

هذي جهينه لأعذب الطيب منهل

ومنها اليقين اللي يجيبه خبرها

لاجيت ابمدح فيهم الشعر يثمل

يعني على ماقيل صعب اختصرها

الطيب ماهو مُحتكر مير للكل

والكيمره تلقط وتظهر صورها

قصيدة عاشق الريم
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
257 مشاهدة

بأخيط جرحي قلت ياعاشق الريم

بأشك الابره وانت عينك عليها

الشمس غابت واكتسى الفرح تعتيم

وانا اسير وضيقتي مكتفيها

البيت متحطم ولو زيد تحطيم

ميت ويظرب والشبه مقتنيها

جتني رساله قلت للزين ترنيم

ماكنت احسب ان البلا محتويها

برق ورعد والجو ماحوله الغيم

مير المصايب جاتني كلبيها

نص الرساله يالغلا ماأنت بمقيم

وياأبن الحموله عشرتك بأنتهيها

اخذت لي اسبوعن وانا داخلي ظيم

وثارت بي العزه وقلت اشتريها

واصدرت بأفكاري على القلب تعميم

كان الحبيبه باعتك لا تجيها

في كل يوم يزيد بالشخص تعليم

واليوم مبسوطن ولا عاد ابيها

وشهادتي للحب بالعون تكريم

العاليه ياكيف مانعتليها

قصيدة شي يحتاج لاشياء
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
253 مشاهدة

من عآم ادوّر شي يحتآج لاشيآء

ولاالقى سوى اشيآء محتآجه لشي

لو النقا يمشي من الألف لليآء

مآصآر في صدري مسآحآت للكي

مآسوّد قلوب البشر غير الاخطآء

ومآعآنق الطيبه سوى مخآشر الفي

يآصآحبي غرّك مع العآلم اطرآء

وخلطت ظلم الليل مع وآفي الضي

الذيب مآينقآس في ليل وعوآء

لولآ فعوله ماطرب ليله الحي

ومآ للدوآ قيمه مع فآرق الدآء

ولولآ الكرم..! لآ ما انشهر حآتم الطي

ولو مآ انت ظآمي.. رآح تحتآج للمآء

العمر بآقي طآلمآ بآقي الري

والإيه.. لآمآتت تبي تنجب.. اللآء

والا العدو.. مآآآله علآقه مع الخي

اسمع كلآمي.. اترك وجيه الاسمآء

انته كبير وصعب انآديك يآصبي

عآدي إذآ نكتب ونخطي بالإملآء

لكن ابي تفهم وش تخطّ يدي

قصيدة يامدوّر الزله
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
246 مشاهدة

يامدور الزله ترى عندي ادواك

اسمع كلامٍ عارف انه يداويك

قدرك تساوى اليوم ياشين بأدناك

ويومٍ ورى يومٍ يبيّن تدنيك

الحسد والحقران شفته تغطاك

واضح عليك الذل لامن يغطيك

لاتقول كره الناس هو من تبلاك

انت الذي شين النوايا تبليك

ما اقول تنكر للذي طيبه اعطاك

لكن بترت يدين من كان يعطيك

وكسرت كاس الخير من بعد ما ارواك

ماودك احد يعرف وش كان يرويك

ماني بمتحسف على لسان وصاك

شفني نهيته لا يجيلك يوصيك

مرات ترقا الشين ومرات يرقاك

ياويش نرجي منك ومن ما يرقيك

ودرب الرجوله لو تجيله تنحّاك

في عزته يطلبك تبدا تنحيك

لن الحقود انته وهو من مسماك

وطبع اليهودي صايرٍ في تحليك

ولاخير في واحد يسوي سواياك

تدري انا وش كنت بأول اسميك

صاحب عزيز بدنيت الخير ماطاك

لكني شفت اللي من الله يوطيك

وشفت السواه اللي تبين خفاياك

وابشر ترى وضحت وش كان يخفيك

وماقد طلبتك شي مصدره مخباك

بالعكس كنت اعطيك واعطيك واعطيك

روّح ماعاد ابغاك قد عفت دنياك

اللي لفابك قادر انه يوديك

هذا الكلام اخذه وياقل ما جاك

واعذر قصيدي قصّر بكرهك وفيك

قصيدة بدويّه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
237 مشاهدة

الهوى ما تملكه غير بدويّه

وتسحر العشاق في روح البدآوه

فيها شيٍ ما يجي لأيّت بنيّه

لا علوم ولا سلوم ولا حلآوه

كم عليها ثارت الخلق بحميّه

بس يآهي تقتل الكل بهدآوه

كنّها سيره عن النفس النقيّه

ولا تعيش إلا على رجم النقآوه

من يديهآ لو تذوق الشآذليّه

ضعت مابين الرخآوه والسطآوه

كيف لو لأجلك تدن الهآشميّه

والله انك غير تآكلهآ رخآوه

شي مايوصف ولو يوصف شويّه

ومن يوصّف كنّه اعلن بالعدآوه

والقصيد بغيرهآ يبخل عليّه

بس فيهآ يلتقيني بالحفآوه

ويوم اقصّر بالوصف يجرح يديّه

واجرحه ويقول جرحك قوم دآوه

آآآه منها ترمي العقل بخطيّه

وكم خطآيا تنسري لأجل الطرآوه

امهآ تقرا عليها بالعشيّه

وآآآهني من كمّل الصبح التلآوه

مايعيش إلا الحيآه الحآتميّه

بالوفآ والا العطآ والا السمآوه

الهوى مملوك في يد ابدويّه

ولآ تحرِّر قيدهآ غير البدآوه

قصيدة بدويّه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
238 مشاهدة

الهوى ما تملكه غير بدويّه

وتسحر العشاق في روح البدآوه

فيها شيٍ ما يجي لأيّت بنيّه

لا علوم ولا سلوم ولا حلآوه

كم عليها ثارت الخلق بحميّه

بس يآهي تقتل الكل بهدآوه

كنّها سيره عن النفس النقيّه

ولا تعيش إلا على رجم النقآوه

من يديهآ لو تذوق الشآذليّه

ضعت مابين الرخآوه والسطآوه

كيف لو لأجلك تدن الهآشميّه

والله انك غير تآكلهآ رخآوه

شي مايوصف ولو يوصف شويّه

ومن يوصّف كنّه اعلن بالعدآوه

والقصيد بغيرهآ يبخل عليّه

بس فيهآ يلتقيني بالحفآوه

ويوم اقصّر بالوصف يجرح يديّه

واجرحه ويقول جرحك قوم دآوه

آآآه منها ترمي العقل بخطيّه

وكم خطآيا تنسري لأجل الطرآوه

امهآ تقرا عليها بالعشيّه

وآآآهني من كمّل الصبح التلآوه

مايعيش إلا الحيآه الحآتميّه

بالوفآ والا العطآ والا السمآوه

الهوى مملوك في يد ابدويّه

ولآ تحرِّر قيدهآ غير البدآوه

قصيدة لاتضحك عليا
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
229 مشاهدة

جيت ادوّر لك عليّه.. مادريت اني دخيلك

رحت لهنآك وهنيّا.. وانت تضحك لي عليّا

كنّك ارهابي مشاعر.. والحلا صاير عميلك

ترسله.. ويجس نبضي.. واْتقيّد له يديّا

بس ابي اعرف وقلي.. من سواتك وش حصيلك

ان عرفت اول مرّ قلبك.. مااانموت إلا سويّا

ايه احبك ايه اريدك اييييه ما عندي بديلك

ولوخسرت الروح لاجلك..أعتبرها لك شويّا

خالقك ربي وادري.. قآدرٍ يخلق مثيلك

مير مالي بغيرك انت وان خُلق بالكوووون ميّا

تدري من يضفر بصبحك او تخصّه وسط ليلك

نبضه يردد لقلبه وآهنيّا وآهنيّا

كيف من حبك وصانك..! مايعرف إلا يعَنيلك

ويتوسط شمس حُبك وابغلاتك إيتفيّا

انغلي في نار شوق ومن اشوفك استويلك

اشرب احساسي وكلني من هنيّا لآآآ هنيّا

يابعد هالكون كلّه باعتدالك او بميلك

تسوى راسي تسوى قلبي تسوى ذيّا وتسوى ذيّا

وآآآه لو تدري بحالي كان مآتطلب اجيلك

ترمي الدنيا ورآك والوطن تلقآآآه فيّا

قوم دوّرني عليك وفش بإقبالي غليلك

ارقد اصحى او تمشّا او مع الافكار هيّا

غمّض عيونك وناظر ثم تأمل في خليلك

وسو ماودك تسوي إلا بُعدك لاْيتهيّا

شوفني داخل غيابك ضايعٍ والله وكيلك

دلّني صوبك وخذني في حنانك لو حميّا

وان نسيت اني احبك.. لاتخليني دخيلك

وقول كل اللي بقلبك... بس لاتضحك عليّا

قصيدة ادف الليل
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
219 مشاهدة

اظم الليل بغيابك واشكي له عن اشوآقي

ولكن لو تجي عندي ادف الليل واظمّك

ماغيرك نور تتفرد على همسآته اورآقي

وماغيري ينتثر مشتآق وتنوي عينه تلمّك

ومثل ما هالنخل تكرم ثمآره رغبة السآقي

ثمآر الحب قلبٍ ما يخص إلا انت ويعمّك

طفح حبك مع عيوني وهو مسكوب باعمآقي

وجنون الفكر رآودني وقمت اخطط اسمّك

تموووت افضل من غْيابٍ يعآني منّه عنآقي

مهبلني مخبلني ونفسي اجري بدمّك

قصيدي لابغيت اكتب مايكتب غير وش بآقي

احبك موووت وكل ليله افكر فيك واشمّك

واغمض لاجلك عيوني وألعن ساعة افراقي

وبعد ألعنك في حبك وألعن بيّك وامّك

ملكة الخآفق وصآرت مفآتيحه هي احدآقي

واحسد بالعلن ربعك وكل من جلسته يمّك

تعبت اظم هذآ الليل واشكي له عن اشوآقي

واخاف يدفني هالليل وصبحي مآبعد ظمّك

قصيدة البرد
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
217 مشاهدة

البرد غيمة مطر واحساس بالرعشه

ويدينك الكوت وهمسك جوّى الزاخر

العين تكره على شوفتكِ الرمشه

بردان لكن معاك الجو ع الآخر

ضمّي حبيبك قبل هالبرد مايخشه

وخلّي النفس لادخل بالصدر يتفآخر

ياطير جاه المسا ويدوّره عشه

ملّ الشوآرع وملّه طيشه السآخر

الليل والبرد وغيمٍ مارحم رشه

اتزآحمة بي وانا اللي شوفتك ذآخر

اعطيني حضنك قبل هالحال مااغشه

واموت بالثلج ومنّي القبر يتبآخر

كلك حياه ودفا وبدونك الرعشه

يالكوت في لمستك ياجوّي الزآخر

قصيدة بدع التماثيل
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
201 مشاهدة

لا.. يآ مشوّقني لبدع التمآثيل

وانا من الله لأجزل الحرف هآوي

جمّع همومك.. ثم ولّع بهآ الليل

وزوّد حطبهآ من ظلوع الحيآوي

اركن عليهآ فوحة البن والهيل

خلّ المزآج يصير للجرح كآوي

العمْر مرّه.. بين جد وتعآليل

وانت الفطين اللي على الرجم عآوي

خلّك صدوقٍ مآتهمّه بهآذيل

الكذب مآيحقق لقلبك منآوي

يقولهآ اللي يجرع الويل بالويل

ولآهو عن اهل الحق رجْل امتزآوي

ان كآن تشكي الفقر.. لآ تعجّز الحيل

يآكم غني.. مْن الفرح كآن خآوي

المال ما تنقآس فيه الرجاجيل

لو ما المصآلح ما ارتفع كل هآوي

ماشفت كيف الحآتمي يطرح الخيل

للضيف.. ماقال الفقر شي لآوي

وان كآنهآ غربه.. ترآهآ تسآهيل

النفس محتآجه لوقتٍ خلآوي

البُعد ينجب لك كثير التهآليل

للي تهمّه جيّتك يالندآوي

وان كآن قصدك عشق لاْم المظآليل

هذي البلآوي يوم قيل البلآوي

عليك في مآ يستفز المرآسيل

اجرح طبيبك كآن تبغا المدآوي

ولاتنزّل عيونك عن الجدي وسهيل

دنيآك تحتآج لبعيد الهقآوي

وحآسب من الزلآت بين الحلآحيل

للفعل بين النآس.. ألفين رآوي

النفس اغلا من شموع القنآديل

لآ يطرحنّك اُمهات الغطآوي

وان شفتهآ طآلت دروب الغرآبيل

الموت ارحم من حيآة الشقآوي

اقولهآ وانا من همومي آكيل

واحمّل الاقدآم كثر الخطآوي

ادله مع الدآله بليّا محآصيل

كنّي طويت الهم.. في هم طآوي

ان قلت: تلقآلك طريق ومدآخيل

مآني على بعض السوآليف قآوي

افرح.. إذآ جآلست ربعٍ مفآتيل

واضيق.. لآجآبوآ علوم الهوآوي

مآكنّي إلا حر بين المحآبيل

عقب الفضا.. باللي يصيد امتسآوي

لاوآهني من وآدي افرآحه يسيل

وإليآ سرى حظه مع الليل ضآوي

يآصآحبي هيّضت صآحبك.. والليل

روّح.. وْاخبره مآتردّه رجآوي

ان كآن قصدك بس.. بدع التمآثيل

انا اشهد انك.. لأجزل الحرف هآوي