فوق هام السحب ( الشعر الشعبي) على متن القوافي

‏لا تنشغل بالناس وش هم يريدون
وتَـتـعـب وكلٍ لــه مـزاجـه وجـوّه

بنفوسهم لـو عندهم خير يـبـدون
وكلٍ معـامـيـلـه على جـال ضـوّه

والله خلق لك قلب والسان وعيون
وأعـطـاك مثل الناس نظـرَة وقـوّه

أشطب على جُملة مثل ما تشوفون
ومـا يرضي الله ثـم يرضـيـك سـوه


عبدالله حمد

رفيقي تغير غير مدري وش الموضوع
ومن هو نشدني عنه في الحال صرّفته

يقولون كم لك عنه وأقول قبل أسبوع
وأنا لي ثلاث شهور بالضبط ما شفته


عبدالله حمد

‏لاصار م أنت ب عارفن قدر نفسك
لاتضمن إن الناس دايم تقدرك

حاسب ضميرك بين بوحك وهمسك
قدام شعرك ينجرف مع مشاعرك


أبن عياد

جعل قلبي دائماً متعلق بذكرالله
الله اللي كل ماضاقت علي يفرجها

أعبده وحده ولاتطري علي الذله
لوّ عدوان النجاح خيولها تسرجها


أبن عياد

احدن هواه الصيد ويحب طيره
واحدن طموحة كيف جمع المغاتير

واحدن همومه بس يرضي مديره
واحدن يحاول كسب حب الغنادير

....

ماكل مــن يشفق علـى الصيد قناص
ولا كل مــن قـال الـقـصـاايـد وزنـها

لـو كل مـن طب البحر صاار غواص
الـجـوهـره لابــد يـرخـص ثـمـنـهـا

....

يالله ياللي عندك الرزق مكتوب
ياللي جعلت الرزق ماصك بابه

ياعالم النيات ياقاضي النوب
كلٍّ عطيته باب رزقٍ شقابه

....

‏مسامح الناس خوفي حزّة السكره
ألقى رصيدي من الاحسان يجرحني

الكل ميّت سواء اليوم او بكره
اللي جرحته وانا مدري يسامحني

....

لامن عسفت إعسف من الخيل شقراء
‏تعجبک وقت الحرب لاصرت خيّال

ولا من عشقت إعشق من الغيـد عذرا
‏منسوبـه الجدين و العـم و الخـال

....

‏بعض البشر تلقاه صدفه وتغليه
حتى الـقلم يمـه يحب الـكـتـابه

أفـرح وأهلـي فيه يـوم التقي فيه
وشكـرت حظـ ساقني له وجابه


....