فوق هام السحب ( الشعر الشعبي) على متن القوافي

‏أعاهدك باللي فرض حجة البيـت
‏مجفاك لو قبـري يشيـد ترابـه

‏جاني خيالك في منامي وفزيـت
‏وهلت دموعي مثل وبل السحابه

‏ياما على شوفة خيالـك تمنيـت
‏عزاه من جـرحٍ بقلبـي لجابـه

‏وياما من هموم المحبه ترويـت
‏والقلب زاد من الهمـوم إلتهابـه

....

‏وإذا شاب الغياب وشحّوا المقفين
‏أنا أعرف الليالي طبعها جاحد

‏من أول كنت ادور عن لقى والحين
‏أشوفك أو ما أشوفك كلها واحد

....

‏قالت انت تموت فيني وقلبك مايخون
‏التفت الها من اعماقي و صارحتها

‏قلت انا ميت و ميت و قلبي مايخون
‏يعني فوق الارض احبك واحبك تحتها

‏جيت ابا جازيك على الجفيا والطعون
‏وانثنت من دون غلطاتك وسامحتها

‏العيون السود والخصر الاهيف والمتون
‏يالبى اللي فوق الامتان واللي تحتها

....

‏يهاجر الحرف بين اللغه والقلم والكتاب
‏يبوج صحراء الذات فكر ويستلذ الأقامه

‏يستطيب المحابرطاف فوق صرح الخطاب
‏تستمد الشوف عينه شوف زرقاءاليمامه

....

‏ياجميلة كيف أفوّت فرصتي وأفوتك
‏والمشاعر من حلاوة مبسمك متحده

‏ودي أحيى بك وأداري خاطرك وأموتك
‏قبل جثمان المحبه لا يوارى لحده

‏بعدك أبدع بالقصيد اللي يثير سكوتك
‏وقبلك أشعر بالفراغ العاطفي والوحده

‏كيف ماأحبك عساني مانحرم من صوتك
‏وأنتي أحلى صوت وأحلى وجه وأحلى وحده

....

‏ماني بمتعدي مواني جنونك
‏دامي معك نفسيتي ما عليها

‏لا عاد أسمع خلني في عيونك
‏أنت عيوني كيف أخليك فيها

....

‏إن قلت أحبك فالمحبه لها حد
‏وإن قلت أنا معجب فالإعجاب عادي

‏لكن أنا شخص عن العقل مرتد
‏وأسرح مع طاريك في كل وادي

....

‏يالبي صوتك يعانق نبض هالروح
‏وهمسك نغم واجمل قصايد فريده

‏كل ماسمعته جاني اجمل البوح
‏ورددت مع انفاسك اعذب قصيده

....

‏من ذاق حبك ياغلا الروح ماتاب
‏يبقي سنين العمر لاهي وعاصي
‏
‏وعن حب غيرك قافل كل الابواب
‏يذوب في حبك بنوع اختصاصي

....

‏نثرت لك عمري عطر فـي سنينك
وأرويت روحي منك ياأعذب الري

لو تنزل أعماقي تشوف أنت وينك
باقصى الحشا لك شان ماياصله حي

....