فوق هام السحب ( الشعر الشعبي) على متن القوافي

ياكثر ماتطـري علـى البـال واطريـك
‏فـي ضيقـت الايـام لا ضـاق صـدري

‏واللـي يخلينـي اليـا ضـقـت انـاديـك
‏اني معـك ,, عــٰـارف غلاتـي وقـدري

‏وانك بوقت الضيق ما رخصت غاليك
‏مـٰــاهـي خسـاره معـك لا راح عمـري

....

أحسب إني مثل ما أغليك تغليني
‏ما دريت إنك عدوٍ و قوماني

‏أثر لك يا متلف الروح قلبيني
‏قلب يبغضني و قلب يتمنّاني

....

قلبي من أسباب حب الذود ميالي
‏ونفسي ع حبها محد ن بلايمها

‏البل لها في صميم الجوف منزالي
‏من دونها عزوتي طارت عمايمها

....

يالي تـغار عـلى قلبي على هـونك
‏ماطار في سما غيرك يالغلا طـيري

‏جيتك وانا عاقل واصبحت مجنونك
‏محبتك فـ الصدر يالغالي وتقديري

....

‏لو عشت عمري بين حزني وياسي
من المحال ان وجهي يصير وجهين

ثوب الردى والهون ماهو قياسي
لو كان تنعم في دفاه الرديين

ومهما تجي دون الطموح المأسي
وصاروا لي الاحباب مثل المعادين

لا زال ذاك الصوت يصرخ براسي
مردّها تنصفك الايام و تزين

....

‏عشنا على الدنيا مطانيخ واكرام
ماتنحني هاماتنا لجل حاجه

نسوقها قدام والعز قدام
مافيه ضيق الا على الله فراجه

....

‏أغيب عن دارك وأحن لـ طواريك
‏وأخالـط أشــواقي بعذب المعاني

‏يعنـــي تطمــن يابعـد روح مغليك
‏طيفك معـي في كل حين ومكاني

....

أحيان كل الحــروف تخـون شاعـرها
لا حـســـت بشحـها فــي حـق غاليها

وشلـــون روحـي بتظهر لك مشاعـرها
وانت أغلى من الحروف وبوح راعيها

....

عندي البشر دونگ ترا مالهم صيت
وعندي وجودك يالغلا شي ثاني

اسمع وصاتي ي غلاي بآخر البيت
أنت أمنية تلغي جميــع الأماني

....

‏غريب بعض الناس ما يذكر الزين
مايذكر الا الشين لامن زعل منك

ينسى جميل ايام و شهور و سنين
غلطه صغيره عقبها يبتعد عنك

....