فوق هام السحب ( الشعر الشعبي) على متن القوافي

ﻻ ﻗﺎﻣﺖ ﺍﻟﺪﻧﻴﺎ ﺗﻌﺎﻛﺲ ﻣﺴﺎﺭﻙ
ﻭﺍﻟﺤﻆ ﺭﺍﺑﺾ ﻭﺍﻟﻠﻴﺎﻟﻲ ﻣﻌﺎﺳﻴﺮ

ﻋﻴﺶ ﺍﻻﻣﻞ ﻭﺍﺻﺒﺮ ﻋﻠﻰ ﻣﺎﺟﺮﺍ ﻟﻚ
ﻭﺍﻋﺮﻑ ﺗﺮﻯ ﻛﻞ ﺍﻟﻤﺼﺎﻳﺐ ﻣﻘﺎﺩﻳﺮ

....

اعتلي يانفس واعقل ياخفوق
وارقدي ياعين وارحل ياهوى

بنصحك ياقلب لايطويك شوق
روحته مع جيته عندي سوى

من يحطك تحت لاتعليه فوق
ومن يحطك فوق يبشر لانوى

الكرامة مايوطيها امخلوق
والنجم لاطاح قالوله هوى

....

صباح الوله ياللي معاك المشاعر فرض
تصادق عليها الشمس والصبح يضمنها

تعالي وسط صدرٍ ملكتيه طول وعرض
عن الخوف غافل رقّتك لين يامنها

تقول السماء لا شافتك ماشية فالأرض
علام السحايب ناسية قطعةٍ منها

....

‏ان خفتي ادور بدالك تحلمين
‏الي تعلق فالهوى يموت فيه

‏اشوف وجهك في وجيه العابرين
‏مع فارق التشبيه يالوجه النزيه

‏ابيك والدنيا تبي وانتي تبين
‏ واليا اجتمعنا صار كل الي نبيه

....

ماعاد له داعي تجيني ولا اجيك
مادام رحت وخاطرك طاب مني

ياحبيبي قلبي ترى اليوم ناسيك
خاب الرجاء منك وخيبت ضني

غدرت قلب كان بالحيل يغليك
غرك كلامي العذب مع صغر سني

كنت احسبك سيفي اذا ضاقت اناديك
اثر البلا سيفي هو اللي طعني

....

‏ياللي تقول إنك من الوقت ضايق
محدٍ بهالدنيا تكامل سروره

ماأنت الوحيد اللي لقاله عوائق
المستريح اللي يساير أموره

....

خلك مع اللي يملكك ب هتمامه
واذا بدر منك خطا قال حاشاك

وابعد عن اللي يستفزك كلامه
اللي يحدك على الخطا ويتحداك

....

أيقنت بـ أحكام المقادير وأرتحت
ما صرت أعاتب بالمخاليق وأشره

شفني على كثر المعاسير ماطحت
آضحك لو آن ظـروف الايـام قشره

....

احلامنا من سابع المستحيلات
ومع كل هذا نحلم ولا اتعضنا

كل ما خسرنا شي قلنا سهالات
مدري سهالات ولا نجامل بعضنا

....

يالآدمي مـا دمـت فـي صحـة و خير
تحمــد الله وأعتـبـر نـفـسـك غـنـي

لاصـرت متعـافي ولـو انـك فـقـيــــر
تراك فعيون المريـض أكبـر غنـــي

....