ديوان قصائد لشعراء المملكة العربية السعودية (متجدد)☘️☘️

قصيدة مرثيه في الامير سلطان بن عبدالعزيز
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
72 مشاهدة

مقعول لآ لآ وش تقول الإذآعه

اميرنا سلطآن.. ماعاد نلقآه

معقول والا بس هذي اشآعه

يآنآآآس يآعآلم يا آآآهٍ وآآآه

طيب ابي اجلس معْه بس سآعه

او يرجع يشوف الخبر وش سوآيآه

والا انحرم.. من حتى نبرة سمآعه

والإبتسآمه وْالكرم في عطآيآه

يآآآرب عندي لما تقوله قنآعه

وهذا قدر مكتوب من قبل مجنآه

لكن بكينآ ضيق.. زآآآد اتسآعه

لن الفقيده.. صعب في يوم ننسآه

كنا معْه ابنآء في حظن طآعه

كنا.. ولا زلنا تحت رهن يمنآه

واللي امر به مانكفكف شرآعه

ماهو بيعني مآت.. تكفيه ويلآه

الموت ماهو إنا نعيش بمجآعه

ولاهو بعد.. يوم الخبر بس نقرآه

الموت وقت الخير يبدا انقطآعه

او ما امر به سيدي انقوم ننهآه

ياااارب تكسي سيّدي بالمنآعه

في قبره اللي.. ليييييتني كنت ويآه

عطيت يآرب واخذت الودآعه

لكن عطآك اللي مضآ مآآآله اشبآه

ويوم الفراق.. اصبح معاي اجتماعه

نزفت دمعي في سطور المُعآنآه

يعني نصدق ماتقول الإذآعه

والا الفقيد... بخير مآفآت نلقآه

قصيدة مالك دخل
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
70 مشاهدة

ياهيه ماعاد لك وسط المشاعر مكآن

مثلك مثل بيت ماله بالقصيده دخل

اليوم نقحت قلبي عن هذاك الزمآن

وحذفت وقتك معاي ولابقالك محل

دوّر على شاكلتك وغرّقه بالحنآن

ورح قل لعذّآل قلبي مو بكيفه رحل

ثم قول إنك طردت اللي كسآك الامآن

وانك تركته لأنه صآر شخصٍ مُمِل

وما بالخفا صار منك قول لنه جبآن

عآدي لو اتقول إني عآيش بكوخ ذل

إلعب بدور الشجاع وهرجتك عنفوآن

اعرفك همّك كلام الناس.. نآقص عقل

اما انا برحل ولاهمني ويش كآن

لكن قبل لا ابتعد بعطيك درسٍ عجل

الحب ماهو تفاخر باللقا واللسآن

ولاهو بموضه ولبسه بس وسط الحفل

الحب إنسان ثالث يكتسيه الليآن

مقسوم لاثنين فيهم بالنقا يكتمل

الحب سيّد ويشّر لآوقف بالبنآن

على وجيه الحبآيب لين يبدا الخجل

الحب ياجاهله حآله تثير الجنآن

يمكن هالأرض محبوبه لكوكب زحل

حآولت اعلّمك ترقى بس عشقك هوآن

حآولت اعلمك توفي بس مافيه امل

خلآص ماعاد لك وسط المشاعر مكان

ولا تقول لي وين رآيح لن.. مالك دخل

قصيدة تساقط الضيق
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
71 مشاهدة

حلّ المسا واتساقط الليل بشويش

والفكر شعّ الذآكره وابتلآني

واخذت ادرّجها على سكة الطيش

واقول ليت اللي ابي ما نسآني

الحب كآئن حي يحتآج للعيش

وجوع المشآعر في غيآبه طوآني

حتيييش لو نآديت حتيش حتيش

تبقى الأماني وان تسآمت امآني

قولوله ان الشوق غآزيني بجيش

ما احتلّني! لآ والله إلا وطآني

وزودٍ على الغربه وقِل المطآريش

حتى التعب سآق الدموع وغزآني

المسئله لو هي.. على رآسه الريش

إن كآن بدّلت المعآني معآني

حكم الزمن احيآن يجبرك متعيش

وانا العنا آآآخر سوآلف زمآني

حلّ الحزن وإتسآقط الضيق بشويش

والبُعد سمّ الذآكره وابتلآني

قصيدة طريق الولايف
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
70 مشاهدة

يا زين تهنا في طريق الولآيف

كنّي وليفك وانت كنك وليفي

ومعاي جوّك صار بالحيل كآيف

متى يزين الحآل واتصير كيفي

ان شفت بعيوني لقلبك مصآيف

مبطي اقول انك لحآلك مصيفي

وكآنك من صْدوف المقادير خآيف

مآغير بُعدك صآر شيٍ مُخيفي

تعآل خلّ الروح ترقا النوآيف

القآع للأحبآب موسم خريفي

وترجم خفوقك بين عذب الشفآيف

معزّبك قلبي وانآ احب ضيفي

يآزين مآغيرك من الناس شآيف

ولآ غيرك اللي من غلاته يضيفي

قلبي عن اقلوب المخآليق عآيف

وعندي خبر قلبك لغيري عويفي

يآزين حنّا في طريق الولآيف

وانا وليفك مثل ما انته وليفي

قصيدة بسمة الظلم
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
68 مشاهدة

من بسمة ان الظلم يازين ممنوع

إلى دموع الصبح من ليلة الظلم

قريتك؟إستفهام بعيون مفجوع

وضحكت.. ويش آقول..؟ من يجلب العلم

يآآآ وقت لاتشعل على ذنبي شموع

طفّ الكلام.. وافتح الباب للسلم

خلّه صدى للي لفا يدوّر سموع

وخلني مثل من فآق من صدمة الحلم

تعبت اردد للعنا قصة الكوع

وتعبت اراكي بعثرة ضيقه تلم

دام القلم عن كل مجنون مرفوع

خذني الجنووون واترك الزلم للزلم

في فلمه اللي انتج وكان مشروع

انا البطل بس مت في اوّل الفلم

يابسمةٍ قالت ترى الظلم ممنوع

مااااسهّر الدمعه سوا ليلة الظلم

قصيدة ريح الانين
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
68 مشاهدة

اتركوني اكتب شويّة حزن

قبل مآينكف دمع العآبرين

إيه بآت بمحجر دروبي مزن

بس.. يآآآآليته يبل الدآلهين

لآتلومونه عن الخلق انخزن

والحقيقه تفضحه ريح الأنين

اتركوني.. للجروح اللي اركزن

دمهآ يبري مُصآبين الحنين

والهموم اللي على القلب اقفزن

هي حكآيه عن متآهآت السجين

كم عليهآ شفآه بالحكي إعجزن

والسبب بالدآلهين النآيمين

والعآشقين اخف هالعآلم وزن

آآه يآمحلآ حيآة العآشقين

اتركوني امحي اشوية حزن

في دموع العآبرين الحآيرين

قصيدة تقلدني وتحكي معايه
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
68 مشاهدة

احلا شعور يمرني معْك يازين

انك تقلدني وتحكي معايه

طريقتي.. اسلوبي.. وماتقولين

كلّه يشابهني.. ويمكن خفايه

اجيك.. ثم اورح عنّي.. وتمشين

على احاسيسي ونغمة وفايه

وبعيونك النجلا لقلبي تغنين

على دروب الحُب اطلق يدايه

واعطيك حُرّيتك قبل اتمنين

واعطي بنات الناس لاجلك عمايه

ابطلبك في وصلنا لاتمسّين

هاتِ الصباح ان جيتلك من ورايه

مافيه غيرك نور مسكانه العين

ومافيه غيرك عين تمحي بكايه

في داخل احساسك لقيت المحبين

وشفت الغلا اللي فوق حد الكفايه

ويوم إلتقينا كان للضحكه يدين

وكان الفرح واصل لغاية منايه

وكلما شعرت انك علي اتغلين

قلت الجمال اللي اكتسى فيك آيه

واسوي اللي كان ودك تسوين

كني قريت بوسط قلبك وصايه

ومن قلتي انك عن لقانا بتسرين

صآر الصباح بْحظن ليل العبايه

قصيدة سكر قلبي
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
69 مشاهدة

فوح العبير استنشقه حب واخلاص

ومروره بصدري يشكّل مدينه

وإليا زفرته خاص ولقلبه الخاص

يعرف وش اللي صار داخل ضنينه

محبوبي اللي جا لدنياي قناص

وامسى بصيده ياهي والله ثمينه

أتأمله.. كني معه داخل اقفاص

واتوه مع خصله تداعب جبينه

واتقسّم لروحه من ارباع لانصاص

اتناثر.. وروحي تناظر يمينه

ياهو لضيق القلب ياناس قصّاص

وياني على مافيه اعشق سنينه

كنّي عطيت العين من عينه قلاص

حتى سكر قلبي بنظرة حنينه

قصيدة القهر مبدع
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
68 مشاهدة

ماعدت ياضيقي تطيق الازارير

شقيت صدري وابتديت بسهوله

صفيت لي احزان قلبي طوابير

ودمعي على خدي بديت بهطوله

بيّحت سري وانت بعيوني البير

وسارت بك الخطوه لهمي عجوله

في بنك صبري مالقيت التباشير

ولا تنفع لاوجاع قلبي عموله

لو بانت الفرحه على نغمة الطير

يبقى على الاغصان للحزن دوله

ياالله عسى تاليك ياضيقتي خير

سافرت وعزومي تصيح مغلوله

تبغى لرجوعي حظ يقوى المشاوير

وحزني على هالدرب تبكي كهوله

الحزن هو والابتسامه مخاشير

كن القهر مبدع وهُم صفقوله

قصيدة ظلم خلق الله
الشاعر: أمجد الدبيسي أمجد الدبيسي
#العصر الحديث
#المملكة العربية السعودية
0
66 مشاهدة

ياقلب صبرك على ضيم الهوى الجآرح

شف صآحبك مآشكى من ظلم خلق الله

خليتني منعزل من صدمة البآرح

لاطآب لي زآد ولآ لديت للدلّه

والمترف اللي عليه بفكرتي سآرح

بآكر بيفهم وش اللي صآيبٍ خلّه

لصآر صدي بمنهج وصلنآ شآرح

لآ جآه وآجب غلآ يعجز على حلّه

بيني وبين الهموم عنآق ومطآرح

وبينه وبين الفرح مشوآر ما ادلّه

والمشكله مآيلد لنظرة مصآرح

ومهمآ يسوي ابد يآقلب مآ املّه

يبطي عذولي ولآهو شآمت وفآرح

ببقى انا والغضي رجآل مع ظلّه

ان مآسرى بْليلتي يعود لي سآرح

احدود غآليه من ترحآله لحلّه

يآقلب هوّن حبيبك مآهو بجآرح

بس الصحيح البلآ من ظلم خلق الله