فوق هام السحب ( الشعر الشعبي) على متن القوافي

أنتي سحابة حُب في قلبي لها برق ورعود
عليك تسقي القلب لاقد مات او وردة ذبل

أعلنت كل الوفاء وعطيت لك كل الوعود
وسلكت لك كل الطرق ومشيت بكل السُبل

وكلمة احبك تاج في بالي لها مني عهود
متكوّنه من أربع حروف مفعولها هز الجبل

....

سبحانه اللي كامل الزين معطيك
غنج و مهابه و زين كله مزايا

سلطان زينك عقل آمر و ناهيك
وباقي وصوفك تحت حكمه رعايا

به انت تفرق حيل عن ذا وعن ذيك
ومن حسنك الفتان هدت قوايا

البارحه ما نمت ومفكرن فيك
سهران ومضيع من اجلك كرايا

الين ما وجه الفجر بان والديك
سبح و طيفك مسهرن لي عنيا

اميره الورد

يسعد مساء من هو على النت شغال
واللي موصــل شاحنــه عبـــر فونه

يكتب على شاشـات فونه والإرسال
ويهدي حروفه والمساء من لحونه

يازين سجـل لي المساء عبر جوال
وارسـل مساء قلبي وداوي شجونه

ياكم خفوقـــي تنتظر مِنه مرسال
روحــي فداء يـــده وتفــدا عيونه

اميره الورد

ياللي بقلبي لك غلا ماله حدود
واعجز لو اني جيت اوصف حدوده

ليتك معي في كل الاوقات موجود
ربيع قلبي معك حنننت رعوده

اميره الورد

‏ياليل دمّك ثقيل وسهرتك شينه
وتزيد شوق المحب المغرم المنسي

مابين هجر الحبيب وماضي سنينه
ماغير أهوجس واعزّي نفسي بنفسي

....

انتي روح الحرف والهام الجديد
كل ماحرفي على الطاروق غنى

اكتبك والشوق تسهر له قصيد
ودها تكسب رضاكي وما تمنى

....

‏ياللي تلومون قلبي في محبتها
قلبي على العهد باقي لاخر ايامه

يكفي شعور الغلا عشته بسبتها
والقلب في قربها محقق احلامه

....

إن كَان مَنْ أحبَبتهُ قَد أبغضَكْ
ورأيتَهُ يهوى يُريدُ توجُّعَكَ

فَاخلَعْ مودَّتهُ وكُنْ متجلِّداً
هَذا يُفيدكَ ليسَ غَيرهُ ينفَعَكْ

وازجُر فؤادَكَ عَن ودَادٍ زائِفٍ
لاتتَّبع أحداً أتاكَ ليتعِبَكْ

واعلمَ بأنه من يريدُكَ قربهُ
لا ليس يرضى أن تهطّل أدمعَك

....

‏من خـذاك وسرق منـي غرامـك
‏هي ظروفك أو كتب ربي نصيبك

‏فاقد صوتك وحرصـك وإهتمامك
‏ليت ذكرى حبنـا تقدر تجييبك

...

عذب الشعر لاساقه الشوق ناداك
ياشيخة حروف الشعر والقصيده

قولي لي بس الشعر وشهو بلياك
ياصفوة احساس الغلا في نشيدِه

انا على شـعرك عشـقتك واهواك
ياشاعره في عين شاعر وحيده

....