فوق هام السحب ( الشعر الشعبي) على متن القوافي

‏حفظت سرّك مثل حفظي لمبداي
وحفظي لسلم اجدادنا الاوليني

والأربع اللي دونها ما اقبل الراي
حبّك ومرجلتي وداري ودين

....

‏ما اخاف من فرقاك فرقاك عادي
يتفارقون الناس وانا من الناس

اخاف لاقامت عيونك تنادي
اشوفها واصد ماعندي احساس

....

مغنيني الله عن زكاة المشاعر
والحمدلله ما على حالي قصور

أملك شموخ ملوك وأحساس شاعر
وسويت لي من عزة النفس دستور

....

‏مساك انا والـورد والعطر والشوق
ومساك شعري لاتخيلت عينك

انت المساء مع نظرة العين يالذوق
وانـت الحلا والنور بيني وبينك

....

‏يامتعبن حالك بكثر التفاكير
أفكار تقفي بك والأخرى تجيبك

دنياك يا ابن آدم تراها مقادير
أصبر ولا تندم على مايصيبك

....

‏بعض البشر مثل العسل والجواهر
‏مهما وصفته بالحلا ماله اوصاف

‏بعض البشر طيبه على الناس ظاهر
‏مايختفي مثل القمر دوم ينشاف

....

يارب لامنك طويـت السجلات
‏وآمرت روحي في موادع جسدها

‏خذها وانا ساجد بأحد الصلوات
‏وقد تبت توبه صادقه مابعدها

....

احذر تغش الناس لو كان غشوك
غادر بصمت وخلي خاطرك صافي

والدرب خله سمح لاتزع به شوك
يمكن يجيك يوم وتمر حافي

....

‏تغيب لكنك على البال باقي
واكذب على عمري اذا قلت بنساك

اشتاق لك وان زاد فيني اشتياقي
ارفع كفوفي وادعي الرب يرعاك

....

حـب الوطن...

عشنا على حب الوطن عشق والهام
فطرة عشق لملوكنا الصيرميه

وبعروقنا يسري وطنا من اعوام
وبقلوبنا نبض المشاعر عذيه

واجسادنا دون الوطن درع وحزام
وافكارنا بحكم الشريعه رضيه

حماك ربي يا وطـن ذخر الاسـلام
وحكامنا اللي يحكموها سويه


رذاذ الحبر