اخترنا لكم شعر نبطي وفصيح

يا عنك الزمن ما يندرى ويش هو تاليه
جبرني بصكاته على الشك والريبه

أشوف السعد من واحدٍ كنت ما ادانيه
واشوف البلا من واحدٍ كان ودي به

.....

ليت الهـوى ياشـوق يسمحلي القاك
وآخفيك من شوف البشر في عروقي

وآروي ضمــاَ قلبــــي بطلة محياك
واذوب فـي لقياك ياشـــوق شوقي

والله انــــي كــل لحظـــــه تمناك
والشوق لك فالروح محرق خفوقي

ودايم على بالي وطيفـــك وذكراك
يسـري بدمــــي يا الغلا في عروقي

.....

‏الطيب اللي اليا جات المواقف يبين
هذاك حطه على يمناك ومسك يده

والا الردي لوتجمل فيه كل السنين
ينكر مواقفك دونه والجميل اجحده

.....

الطيب في جال الوفيين نوماس
مـا ينـهـفـي طـيـبٍ تـوديـه نـاسـه

وإلاّ الردي لو صار للطيب عساس
يـجـيك له يــوم وتـبـيـن الـنـجــاسـه

ما يلبس لباس الوفيين الأنجاس
حــرٍ على عـشـه تشـوف البساسـه

.....

‏كم واحدٍ سـدّه علـى الناس مـابداه
يخاف مـن طيحهْ عـلى البوح لا باح

من طاح مايُستغْرب ان كثْروا اعداه
شـيٍّ نشـوفه كـنّه النّـور وضّاح

حتى الجمَل لا ضدّه الحِمْل وأَعياه
تكثر سكـاكين الجـزازير لا طـاح

.....

‏طيبٍ على وضح النقاء يبقى رصيد
عــند النشاما ما يـضـيـع ولا يبــور

وطيب التصـنـع ما يـدوم ولا يفـيد
مثل الذي ســوا الجماله فامـعـثور

.....

ترا جمال الشخص في حسن الاخلاق
‏وشخصٍ بدون اخلاق ماله محبه

‏لو تختلف عند العرب بعض الاذواق
‏تلقى خفيف النفس كلن يحبه

.....

اللي يذمك كل ماصرت غايب
‏ وان جيت قدم لك تراحيب واعجاب

‏ناسٍ يعادونك بليا سبايـب
‏ حط الحواجز دونهم واغلق الباب

‏لولا الحيا سالت دموعه سكايب
‏ مسكين من نار الحسد ماكل تراب

.....

‏يا كثر ما نعطي ولا ننتظر رد
‏وننسى عطايانا ليا من عطينا

‏قلوبنا ما تعرف الحقد والصد
‏ونطيب فاللي ما يطيبون فينا

.....

‏يا كفيف القلب ما فادك بصر
العمى بالقلب ما هـو بالعيون

من بنى لك داخـل ضلوعه قصـر
احشمه بالحب دامه لك يصون

.....