ديوان قصائد لشعراء المملكة العربية السعودية (متجدد)☘️☘️

قصيدة ساعة الصبر
الشاعر: محمد بن عمار محمد بن عمار
#العصر الحديث
#المملكة العربية السعودية
0
90 مشاهدة

ليه ياناعس الطرفين دمعك جرى

إحترق ناظرك من حرّ نارالدموع

وش سبب دمعك اللي تنثره ياترى

من عذاب المفارق أودليل الخضوع

تحسب إن المشاعرسلعةٍ تشترى

يوم تقطع علي وصلك وخط الرجوع

خف من الله بحالٍ من غيابك برى

مثل بري الورق في عاليات الجذوع

والخفوق الذي بين المحاني انفرى

من كثرمارجف أثّربحدب الضلوع

عشت أنا وأنت حبٍ ماحدٍ به درى

في نعيم الهوى توضي عليناالشموع

حارمٍ نفسي الراحة وطعم الكرى

مايطيب المنام، لناظري والهجوع

أسهرالليل وفكري مع خيالك سرى

آترقبّ حضورك، كل ليلة ربوع

ساعة الصبرترجع بالدقايق ورى

والثواني تعادل، في غيابك اسبوع

كيف قلبك على هجران خلك ضرى

صارمثل الحجرفي قسوته الطبوع

ودام طاري مفارقنا لبالك طرى

خاطري طاب وقلبي في قراره قنوع

قصيدة عيبٍ عليك
الشاعر: محمد بن عمار محمد بن عمار
#العصر الحديث
#المملكة العربية السعودية
0
89 مشاهدة

حيّ الجواب اللي لفانا، ووفاّ

بزين المعاني، كاملاتٍ فنونه

في طيّة القرطاس موزون بالفاّ

من صاحبٍ يشكي علينا حزونه

ساعة قريته سايح الريق جفاّ

ورجف معه قلبي وهاضت شجونه

رجيف طارٍ، في يد اللي يدفاّ

وإلا حديدٍ حاميٍ،، يطرقونه

وكن الحشا مركوز به راس شلفا

تلهد بوسط الجوف خافي طعونه

وأسفّ دمعٍ من على الخد سفاّ

يذرف كما وبلٍ تحدّر مزونه

لا البال مرتاحٍ ولا الطرف يغفا

أسهر وغيري ليلهم، يرقدونه

إن كان تشكي صاحبك يوم قفاّ

فأنا عشيري، ذقت، منه المهونه

وعيبٍ عليك إن قلت ياخوك تكفا

لوكان تقضي العمر حسرة بدونه

أنا حضرت الزين يومه يزفاّ

قدام، عيني، شفتهم، يدخلونه

زفوّه غصبٍ عنه ماهو بشفاّ

وأخفيت دمعي، خايفٍ يلحظونه

وأصبحت مثل اللي وحيدٍ بمنفا

حالي برت بري الورق من غصونه

لا أقبل جهام الزول قمت آتحفاّ

بإ قبالته، لا من تخطىّ بهونه

وأثني التحية،، مشّرٍ له بكفاّ

وتبادل الترحيب، غمزة عيونه

وخصرٍ يثنىّ زايد الدم خفاّ

غصنٍ رطيبٍ موشكٍ يقطفونه

ومهلهلٍ على حجاجه، يحفاّ

وإلى إلتحظ، عجلٍ يغطي جفونه

وسواد ليلٍ من على الردف يضفا

لا قام واقف كاسيٍ له متونه

له مسكنٍ في وسط قلبي، وملفا

قصرٍ رفيع وعالياتٍ حصونه

وجدي على لاماه، قبل أتوفاّ

ومالي بغيره شف لو يحضرونه

ويطيب لي شرب الزلال المصفاّ

من مبسمٍ يغري بضحكة سنونه

وقلب العنا لأجله، من البيض عفاّ

ماله مرادٍ لو، هم ايخيرّونه

وأبعد عن دروب المحبة، وكفاّ

وأترك شقاها، للذي، يجهلونه

لعل جرحي من هوى البال يشفا

وإن مت!! حقي منه لا تآخذونه

قصيدة رح الله لايردك
الشاعر: محمد بن عمار محمد بن عمار
#العصر الحديث
#المملكة العربية السعودية
0
88 مشاهدة

أنا كل ما طلبت الله، يردك، زدت في بعادك

رح الله لايردك يمكن إنه ماستجاب دعاي

بذلت رخيصٍ وغالي سعيت أبحث عن إسعادك

تعبت وما تكلّل في نجاحه، بحثي ومسعاي

قضيت العمر في شّفك ورهن رضاك ومرادك

متى ماغبت أجاوب نايح الورقا بكثر نعاي

على هونك بعد عمري، بقلبٍ ذاب بودادك

تمهّل.! كان ناوي يالغلا هجراني وقطعاي

ملازمني خيالك وأنت، يهنا، عينك رقادك

يمر الليل سهران، ومنامي، قعدةٍ وإكعاي

عجب إنيّ قتيلك أمس، صرت اليوم جلاّدك

بدأ مارد هواك، بداخلي يستبشر برجعاي

أنا فعلاً تمشّكلت.! بهواك، ونظرة حيادك

عقب ماناخت ركاب الغلا بك في حما مرعاي

تحمّلت الشقا والبعد وضبط النفس وإجهادك

أخالف هاتف أشواقي متى ما كرر إستدعاي

ومدام إن السبب أصبح، نتيجة زايد عنادك

فأنا قلبي سمح من عشرة اللي مايبي جمعاي

قصيدة شمس حبي
الشاعر: محمد بن عمار محمد بن عمار
#العصر الحديث
#المملكة العربية السعودية
0
88 مشاهدة

اظهري ياشمس حبي واشرقي

نوّري ليلٍ ظلامه محتويني

بدّدي، غيمٍ يغلّف مابقي

من ضياء شمع المحبة ياضنيني

لا تغضّين العيون، وتسرقي

برعشة الأهداب شوقٍ مرتويني

طالعي دمعي بعيني يغرقي

يمطرالعبرات، من وابل حنيني

ونبض قلبك في وريدي يخفقي

كلما، ضمّيت كفك، في يميني

بالمشاعر، يالحبيبة إرفقي

قبل ماتطري عليك، توادعيني

يوم جاد الحظ ساعة نلتقي

إشتعل حبٍ، بوجداني، دفيني

وإحترق غصنٍ بجوفي مورقي

من لهيب الكف يوم تصافحيني

إتركي ناره بصدري تحرقي

وانكوي، من وهجها لا تنقذيني

كان قلبك من عذابي مشفقي

راحتي للقلب يوم تعذبيني

ما سمعتي بالمثل إن الشقي

باقيٍ عمره على مر السنيني

تثبتين إن العواطف تفرقي

وكيف معنى التضحية، للعاشقيني

لأجل مفهوم الحبايب يرتقي

لمستوى حبٍ حصل بينك وبيني

وان هلي جوّ يسألونك فاصدقي

لاتقولين انتحر وش في يديني

أقنعيهم قولي عذرٍ منطقي

قبل مااموت بغرامه، مات فيني

قصيدة الحكي والوشاية
الشاعر: محمد بن عمار محمد بن عمار
#العصر الحديث
#المملكة العربية السعودية
0
86 مشاهدة

عيني على فرقا وليفي ترفيّ

وكثرالبكاء والنوح، جدّد عنايه

الزين ضدي وأحسب إنه بصفيّ

مهما تظاهر بان طبعه معايه

جامل معي وهو يدور ويلفيّ

وحبي وأحاسيسي مجرّد هواية

خدعني بضحكه وزود التحفّي

وبيّحت له مكنون ما في خفايه

يا للأسف فيه الضمير متوفى

عايش بدون إحساس ولا دراية

غصبٍ عليّ أنساه ماهو بشفّي

الله،، على فرقاه يجبر عزايه

أبكي على ما فات وأصفق بكفّي

وأقول أنا غلطان وهذا جزايه

قلبي جريح وماجرى لي يكفّي

كله من أسباب الحكي والوشاية

بأسباب جرحٍ بالضمير متخفّي

والناس مايدرون ويش الحكاية

هذي نهاية،، مطردين المقفّى

كلّش ولو طال الزمن، له نهاية

قصيدة أزرق الدمع بعيوني
الشاعر: محمد بن عمار محمد بن عمار
#العصر الحديث
#المملكة العربية السعودية
0
83 مشاهدة

يانظرعيني علامك ما تحنيّن المعنىّ

متعبٍ نفسي ورجلي كل يومٍ بالتعنيّ

أسهرالليل، آتوجد، وآتعبر، وآتمنىّ

آآآه يا وقتٍ قضيته بالتوجد، والتمنيّ

أزرق الدمع بعيوني كيف بأرقد وآتهنىّ

ما هقيت اللي يحبك، يرقد الليل متهنيّ

حبنااللي من قديم العهد أنا وأنتي دفناّ

إكتشفت إنه هواللي في غرامك قد دفنيّ

لعن أبوحيّك.! خيالي ما تبلا ك وتجنىّ

مثل ما طيفك بلاني، بالمشقة والتجنيّ

كلمامريت، قلتي وش علامك تمتحناّ

وأنتي ما والله غيرك في حياتي ممتحنيّ

ليت ربي ماجمعني بك على حبٍ سجناّ

لكن أستاهل مدام اخترت لي حبٍ سجنيّ

الهوى يالغاوية مشمول به إنسٍ وجناّ

وأنتي الظاهرغرامك ساكنٍ في قلب جنيّ

بس أناشاعر ونظمي في القصايد ما يثنىّ

دام منطوقي سليمٍ وش يخليني أثنيّّ

قالت إن كانك على ما قلت لك بالشعرفنا

عطني ألغازٍ من أشعارك وأنا أوريك فنيّ

قلت أنا ماذا بعلمي، كان علمك، فيه إناّ

إبتدي بالهرج،وخليّ قولةٍ إنك وإنيّ

وأنا بيني وبين نفسي عقب يوم القلب حناّ

ودي ابدأ بالكلام،اللي له العاشق يحنيّ

قالت أبا أنشدك عن شئٍ إذا شلته يوناّ

وإن تركته من يدك بالأرض يسكت مايونيّ

قلت أنا بأقول حلّه، جازمٍ ماهوبظناّ

هذي القُلّة، من الفخّار، إذا ماخاب ظنيّ

لكن أبا أنشدك عن طيرٍ على كفي يتثنىّ

دايما أداعبه وأطرب إلى صار متثنيّ

طار ليله من يديني.! والنهار أقبل وغناّ

قالت أعرف حلها، لكن نبي شاعر يغنيّ

قلت نقعد ننتظر..! أحدٍ يجي فينا ومناّ

قالت اسكت تدري ماغيرك أحد فيني ومنيّ

قلت هذي لعبة إبليس الأمر بايدينه تسنىّ

يضحك بوجه البشر! وهو لمبراته يسنيّ

آآآآه ياقلب العنا، وش جاك ماعد بك تأنىّّ

وأنا خبري بك ثقيلٍ، بالتصرف ومتأنيّ

أشتكي وأدخل على الله من ظروفٍ لعوزناّ

ومن تصاريف الزمن اللي بعمري لعوزنيّ

قصيدة ديار الدروزي
الشاعر: محمد بن عمار محمد بن عمار
#العصر الحديث
#المملكة العربية السعودية
0
84 مشاهدة

ريمٍ أسرني في ديار الدروزي

في رحلة إستجمام كنت آتنزّه

تعرّضت لي راكبه فوق روزي

هدير شكمانه غلب صوت قزّه

لاهيب لاغرٍ ولاهي عجوزي

رعبوب معطيها الحسن زود بزه

بالخصر من كثر التهصّر حزوزي

والورك يلعب لعب طفل بمهزه

والجنز فوق الجسم تقل مخروزي

بحزام في سرجوفها بان حزه

تسحر بصوتٍ مايعرف النشوزي

والرمش إلا أغضت وسط قلبي مغزه

والتين طلعه في حشاها ركوزي

والوسط مزمومٍ مثل كيس مزه

عقب إحتياطاتي وكل الحروزي

قلت هاك قلبي، ياشقا الروح وزّه

قلبٍ غريق وفي هواك مغروزي

الحب في بحرك من الشوق دزه

قصيدة وردتينٍ على تل
الشاعر: محمد بن عمار محمد بن عمار
#العصر الحديث
#المملكة العربية السعودية
0
82 مشاهدة

أون وناتٍ،، تهد، التلالا

شقت مشاع الصدرمن شدّة التل

وزاد التزفر حالتي، إعتلالا

وانا عليل الجسم من قبل واعتل

الدمع صاب الخد، منه ابتلالا

كل مامسحته، في قفا كفي إبتل

وأصبح نظام الفكر فيه اختلالا

منظمّ الها جوس، ميزانه اختل

يا نتل روحي من غلاه إنتلالا

نتلٍ مزع رمانة القلب، وإنتل

لا إستّل سيفٍ بالعيون إستلالا

حّده شطير وقاتلٍ كلما إستل

الخد برقٍ في المناشي ايتلالا

وحمرالشفايا، وردتينٍ على تل

إجتاح قلبي،، معلنٍ احتلالا

ومشاعري ما قاومت يومه احتل

كل من سألني تشتكي قلت لالا

كيف أشتكي منهو طعني ولاقتل

قصيدة حكم المقاديري
الشاعر: محمد بن عمار محمد بن عمار
#العصر الحديث
#المملكة العربية السعودية
0
81 مشاهدة

إذا صار من يهواك، منتي بتهوينه

ومن هو يعزك، مالقى منك تقديري

وإذا صارمن عقب الرضا نفسكم شينه

وصافي هواكم باديٍ فيه تكديري

أنا ويش جابرني على قلبي أهينه

ما دام إن قلبك باعني وإ شترى غيري

ولأن الذي نرضاه منتي بترضينه

وطلبكم يوفى، ومطلبي فيه تقصيري

أنا ماعذلت القلب في ماضي سنينه

على شان حبك، شاغلٍ كل تفكيري

أنا في غرامك دافعٍ قلبي رهينة

وعايش على الرجوى وحكم المقاديري

أداري هواك، وقابلٍ شينه وزينه

ومتحمّلٍ لأجلك، كثير، المخاسيري

قصيدة حمامة الأفكار
الشاعر: محمد بن عمار محمد بن عمار
#العصر الحديث
#المملكة العربية السعودية
0
81 مشاهدة

القاف حبلى بالمعاني وباحت

عن مولد أبياتٍ بفكري عرضها

وحمامة الأفكار في البال ناحت

تسجع بنظم القاف وتبدي مضضها

وسحايب الأقلام هلتّ وساحت

أعيا، تضاريس الورق منخفضها

علتّ مرابع في الحشا واستباحت

مشاعرٍ قلبي، تعب ما نهضها

وتناثرت دمعات عيني وطاحت

من فوق خدي يوم رمشي نفضها

كفكفت دمعي والعيون استماحت

أعذار لأفعالٍ مزاجي، فرضها

ونفسي على لومي لها مااستراحت

صار متساوي لومها مع وعضها

على بوادر فرصةٍ يوم تاحت

صوت العقل رغم التمكّن رفضها

عقب الغزال اللي لها الروح راحت

من شفتها نفسي تزايد مرضها

مرّت تثنى وريحة العطر فاحت

بعمايلٍ لفح الهبايب، نقضها

تبخترت في مشيها لي وشاحت

خلف السواد اللي مغطي بعضها

وقامت شياطينٍ بوجهي وصاحت

تقول، خلّ النفس! تدرك غرضها