فوق هام السحب ( الشعر الشعبي) على متن القوافي

ياليتني في أنفاس روحك ودمك
أبقى معك وأعيش الأيام وياك

ابنثرك في عروق قلبي والمك
واحسسك بالحب في يوم لقياك

....

‏روحي وروحك يالغلا ضمّها الشوق
في روح واحد بالهوى ضم روحين

من يوصف العاشق اذا صار معشوق
هـي قمة الاشواق بين المحبين

....

‏إن قال لجل العين تكرم مدينه
ماني بقايل لجل عينه مداين

وش هي المداين عندرمشه وعيـنه
إلا تطيح ارقاب وتعتق رهاين

....

‏عندي حنين وركن هادي وساكن
ودي أهيم بضجة الغيم وأرتاح

اللي سأل منهو ترك هالأماكن
عابر خذا حلمي وضيعني وراح

....

‌‎لاغـاب عنك اللي غيابه مصيبه
وطالت به الغيبه ولا جابه الشوق

مافيه داعي تنشده عن مغيبه
ماغاب عنك الا وهو منك مسروق

خله يكمل غيبته وش تبي به
لاتلحقه لو كل مطرود ملحوق

....

‏يسعد مساء اللي يحبون الاشعار
‏ويسعد مساء اللي معانا متابع

‏وحي الله الوافي وحي الله الجار
‏اللي لهم في عالم القاف طابع

بقلمي

ياعين وين اللي من الناس اغليه
‏الصاحب اللي مايفارق خيالي

يفز له قلبي اذا حل طاريه
عز الله انه شخص في الروح غالي

ادمنت وصله واعشقـه بكل مافيه
وحبه تربع بي من اول وتالي

واعشق دلع طبعه واعشق تجافيه
والقلب ميت فيه ياويل حالي

....

يابنت يالي خذتي القلب والروح
خليتي العاشق بحبك متيم

يهيم في حبك من البعد مجروح
ساهر طوال اليل بالقرب يحلم

....

‏من عقب أحبك قلت كلمة أعزك
‏ودي أشوف شلون تاثيرها فيك

‏سولفت عن غيرك عشان أستفزك
‏ياحلو صرخة غيرتك يوم أحاكيك

....

شعري يترجم واقعي في قوافيه
يمطر قصيدي والهقاوي سحايب

واحيان مايكشف قصيدي معانيه
بين الحروف الغامضه شخص غايب

....