فوق هام السحب ( الشعر الشعبي) على متن القوافي

‏اذا الحزن غنّا على كل موال
القى بوصلك من عنا الوجّد فرحه

يامن وهبت لمهجتي حب وآمال
كم مال بي وقي ولا مال صرحه

....

‏قريب وصله لو بعيد المسافات
جعله بحفظ الله ويعيش هاني

الفكر ماينساه في كل الأوقات
واردد اسمه كل لحظه وثواني

انشهد ان الحب للقلب نبضات
يسكنه واحد مامعه شخص ثاني

....

المحبه مشاعر والكرامه وجيه
‏ارتجي ربك وغيره فلا ترتجي

‏من يودّك يجي لك لاتدور عليه
‏كل حاجه تدورها ترى ما تجي

....

‏دار الزمان وشفت فيه العجايب
‏شفت الغلا والبين والزين والشين

‏شفت القلوب الحاقده والحبايب
‏واللى يعيش بوجه واللى بوجهين

‏تلقى الجفا والصد طبع القرايب
‏والا الوصل والطيب طبع البعيدين

....

‏مإبين تقليب المواجع والاسباب
فاصل رقيق من التعب والكئابه

ومَابيين تغيير النوايا والاحباب
دمعه وصوت وذكريات وكتابه

....

رحنا وجينا وصار الصبر مثل السلاح
‏ماعندنا كان ماطاعك زمانك طعه

‏نخاشر الطير لو انه يرفّ الجناح
‏ونسوق الاقدام ودروب النشاما سعه

....

‏أخوك لو شان الدّهر فيك ماشان
سيفٍ اليا ضاق الفضا فيك سلّه .

إدمح له الزلة ولو كان غلطان
حذرا تعيبه لو بدا فيه خلّه

ذائقة

‏يارقيق الطبع يا الذوق الفريد
ليت تعرف داخلـي معنى غلاك

انت عشق وانت حب وانت عيد
وانت نور الكون وانـواره معاك

كل لحظه يا الغلا حبك يزيد
وكل يوم اعشقك لاخر مداك

ايه احبك واعشقـك واعشق وازيد
وانتثر واموت في روعة هواك

....

الادمي من طيبه ومن شيمته
مايعترف بالكبرفي فقر وغناه

ياخي ترى الرجال تنقص قيمته
لاقام يعطي كل خلق الله قفاه

حتا الامام اليا انتهت تسليمته
يدير وجهه للصفوف اللي وراه

عناد الشيباني العتيبي

‏ماغفيت اليوم والبارح كذالك
حيل انا تعبان واشواقي ثقيله

حالة الاشواق ماترحم لحالك
دائماً تغزي القلوب المستحيله

ياخفوق القلب بالله وش جرا لك
جاوبيني الشوق من اشعل فتيله

ادري ان البُعد حطم لك منالك
يا حبيب الروح ارحمني قليله

....