ديوان قصائد لشعراء المملكة العربية السعودية (متجدد)☘️☘️

قصيدة اضحك وخل الهم
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
329 مشاهدة

اضحك وخل الهم للمبتلي فيه

خلك سعيد ولا تحاول تلوعه

الله يعينه دام كثرت بلاويه

والله يحقق للسعادة رجوعه

مجد تألم بالألم غير راعيه

والي وطا الجمرة سناها يروعه

للمعتبر درس على طول يكفيه

وانعاد يلقى ما يقلل سنوعه

في ما مضى نال العدا من حسانيه

يكرم بيمنا مدها من طبوعه

يوم البخيل وعابد القرش يخفيه

تنبع ايدينه للمكارم بروعه

مواقفه كم شرفت من لجافيه

يوم الشدايد ما وقف عن أربوعه

بالمال يكرم كل من جاه عانيه

كسر مجاديف القلوب القطوعه

ويوم انتها ماله بدى العوز يفنيه

الهم صار يهاجمه في هجوعه

محدٍ فزع له ويتذكر بماضيه

ذكراه يا ذكرى تطفت بك شموعه

وفي ما مضى نعمٍ الياجيب طاريه

تلقى صفاته كاملة في طلوعه

يا كثر من حبه ويكثر مغليه

دايم قلوب الطيبين مخدوعه

وفي ما مضى تلقى البشر تحتمي فيه

له هدتٍ منها النوادر جزوعه

يا مرو ينهى ويا كثر من يلبيه

تمشي له إكبار القبيله ابطوعه

محدٍ يوقف في طريقه ويشكيه

كلٍ يبي قربه ويعلٍ خضوعه

لو مات كلبه جت قبيلة تواسيه

واليوم لو صيح قليلة افز وعه

قصيدة باقي من الذكرى
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
304 مشاهدة

قالو حبيبك راح ماهو بكيفه

وانت اتركه مالك بشون المخاليق

وقلبي كفخ بين الضلوع النحيفه

كفخة نداويٍ تتله مسابيق

ومع كفخة الخافق دموعي ذريفه

تمزعن منها بقايا المعاليق

في لحظةٍ همي بها سل سيفه

حسيت كنه طبق الكون تطبيق

وحالي بدت فيها الامور المخيفه

تذرف دموع الي شكا الهم والضيق

باعيش بعده بالحياة الكسيفه

وحدي مادامت عيشتي ضيق في ضيق

اول ربوع القلب كانت امريفه

واليوم راحن زاهيات المواريق

حت الامل منها الزمان وخريفه

واحكام ناسٍ بين كذبٍ وتلفيق

باقي من الذكرى العلوم الطريفه

تسوق نفسي للأمل غصب وآفيق

اصحي وجرحي ماتوقف نزيفه

واجلس مع آلامي ودمعي مدافيق

نفسي على ماصار بعده عسيفه

عسفت نفسي عن كلام المخاليق

لوكانت الوحده عليه كليفه

كرامتي تبقا بروس الشواهيق

ولاصير مغزى للنفوس الضعيفه

مابين تحليلٍ ومابين تعليق

قصيدة دنيا مصالح
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
300 مشاهدة

دنيا مصالح والصداقة لها أثمان

بالمال تشري لك قبيلة على الدين

إن كثر مالك صاروا أعداك صدقان

وان قل مالك باغضوك القريبين

اقرب بشر ما ينظرك نظرت إنسان

وشلون تنظر لك عيون البعيدين

الناس تبي اللي من المال بطران

يبغضك أخوك ليا طلبته بعد حين

إن كنت والله فاضي الجيب خسران

جيبك سندك وصر على الراس والعين

تلقى مكانك جالسٍ بين الأعيان

لوكنت ما تبذل من المال قرشين

المال خلى قاصر الكف سلطان

ولد الردي صارت تخدمه سلاطين

قصيدة لولو ومرجان
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
298 مشاهدة

أسهر وأغني فيه عذبات ألأحان

واختار له من نادرات القصايد

اجمع له أجمل ما ينظم بالأوزان

فرايدٍ ضميتها مع فرايد

ما كنها الأعقد لولو ومرجان

اصفها من فوق صدره قلايد

وأحط له منها أساور وتيجان

هديةٍ له نادراتٍ جدايد

اختار منهن وأجمع أشكال وألوان

أصونهن عن كل ناقص وزايد

الفت له من ما كتبه فيه ديوان

تقرا معاناتي جميع البدايد

قصيدة انا أعتذر لك
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
289 مشاهدة

لا تستفز ولا تصدق وشايه

ولا تثير أعصاب بالشك وضنون

أنا أعتذر لك وأنت تبي النهاية

وشفيك خليت العدا بي يشكون

قبلت راسك لجل تدمح خطاية

أنا بشر واخطيت والناس يخطون

إن كان عذري ما قبلته لغاية

الغاية الي لجلها صابك اجنون

راحت عليك وما بقالك حكاية

ما ضل لك حجه ولاشي مضمون

بينت وأنا عارف من البداية

لكن أبي غيري من الناس يدرون

ما بيك من بعدي تسوي دعاية

ولا تصدق لك وكالة يقولون

الناس تعرفني وتعرف وفاية

وكرامتي عندي بشرواك مليون

قصيدة خوفي من الله
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
281 مشاهدة

خوفي من الله خافقي ما يتحمل

في خافقي روفي وخوفي من الله

أنا عليل ولا تحمل تجمل

بحالي تجمل كان مابي ممله

وما طلبته مني من حلالك تدلل

يامن بقلبي تملك الأمر كله

زله وعندك وأنت بيدينك الحل

ولا يواخذ الطيب خويه بزله

ومن واخذ أصحابه بزلات ينزل

قدره ولاهم يا صلون لمحله

وأنت الخليل وغيركم ما تخيل

والخل ترفى زلته عند خله

لاتخيب آمالي وعني تبدل

ياوردقلبي يازهوره وفله

خلك معي لا تصيرضدي وتجهل

ومذهبك معلم ينتمي لي مله

وكانك بهجرانك توريني الذل

ابعد وراسي ماخلق من يذله

قصيدة حاولت رسمك
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
263 مشاهدة

حاولت رسمك في ملامح قريبة

من صورتك لوكان ماني برسام

وكتبت لك شعرالمحب لحبيبه

غنابه الي بالهوى صابه أهيام

الشوق ولع وسط قلبي لهيبه

منهو يهدي شوق قلبي الياهام

هام ورماني في مواقف عجيبة

ماكنت افكر في مقادير الأيام

اني غريب ابقى وتبقي غريبة

انتي وانا نصبح كما حال الأيتام

كان الأمل دون الألم يالبيبة

نعيش بالأمال من دون آلآم

قصيدة نويت أنساك
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
260 مشاهدة

كتبت أسمك على رمل النفود وخطه ابهرني

اصور ما كتبته وانت رسمك داخل أعماقي

على كثبانه اكتب من كلامٍ فيه تغمرني

مثل كلمة يا روحي يا حياتي هرجك الراقي

وشعرت بحسرةٍ في داخلي قامت تسامرني

أخذت اكتب لك أشعاري برمله واترك أوراقي

تذكرت العهود اللي مضت ما عاد تأسرني

وتذكرت العنود وقصة الصياد والساقي

ما عادت فيك يا مدمي جروح القلب تجبرني

كبرنا ونتهى عمر المحبة راحت أشواقي

نويت أنساك وأنسي كل شيٍ بك يذكرني

خلاص أعمارنا ما عاد تسمح نكمل الباقي

قصيدة يا صاحبي لو كان طول غيابي
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
249 مشاهدة

يا صاحبي لو كان طول غيابي
أجيك لو طالت علي المغيبة
بعدك تراني ذقت مر العذابي
لا يمكن إن القلب ينسى حبيبه
رؤياك عيدي والفراق اكتأبي
ما للفرح دور بحياتٍ كأيبة
نظرة عيونك مكنت بي صوابي
يا مالكٍ سود العيون الرهيبة
بسها مهن يا ويل من هو يصابي
يبقى يعاني من جروحٍ عطيبه
ما له شفا إلا من شفاك العذابي
بين الألي والورود العجيبة
إذا حصله رغم ذاك المصابي
ما كن مرت به ليالٍ عصيبه

قصيدة ماغاب عني
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
233 مشاهدة

الي عليه أشتاقت الروح واشتقت

عادل غلاه الروح مني فديته

كم زارني طيفه وكم به تعلقت

حتى وهوغايب بعيني رئيته

ماغاب عني في منامي واذا فقت

طيف المنام اقبال عيني لقيته

ياماعليه ارهقت عيني ورافقت

نجوم ليلي بالسهر واحتريته

بنا الأمل على الأماني ووافقت

وانا بقلبي قمت شيدت بيته

اعطيته آماله مع الحب والوقت

وصبرت مع طول الليالي رجيته