فوق هام السحب ( الشعر الشعبي) على متن القوافي

‏إنت الحروف اللي كتبها قصيدي
‏فيك المشاعر ساكنه داخل الروح

‏يفداك عمري والفؤاد وريدي
‏ياللي تهيض داخلي لجلك البوح

....

‏وطن مْعَزّي؛
‏وفي ذرى عياله العزوة..
‏
‏سنبقى على العهد نرعى الذمم
‏حُماة البلاد حُماة العلم

ماجيتك ألعب بالمشاعر وأخليك
وماجيت لأجل أستغفلك وأستغلك

كيف أنشغل عنك وأنا منشغل فيك
ليت الشعور اللي بقلبي وصل لك

....

الله عطا بعض العرب ذوق واسلوب
زين بل عقل ويـجذبك في كلامه

مملـوح بـالـفطره وللناس محبوب
لبى خـفـوقه لاضحك بابـتـسامه

....

أحدن لـو إنـه زاد قدره وشانه
لاغاب تلقى من يعـوضك ودّه

وأحدن إليا من غاب يبقى مكانه
لو تجتمـع كل البشـر ما تسدّه

....

‏يا عديل الروح يا حلو الوصايف
‏يا بعد من شافت عيوني عيونه

‏ايه احبك غير عن كـل الولايف
‏حب صعب ان الاوادم يفهمونه

....

الصاحب الي تل قـلبي وبه هـمت
وبسبته مـانمت باليـل سهـران

يمكـنك انـي بالمـحبه توهـمـت
والي يتوهم يصبح اليوم خسران

‏زرعـت فـي قلبـي غـلاك وتمكنت
‏وأول حصادي منك صده وهجران

‏دنيـاك ماتسـوى على غيبتـك أنـت
‏يـامـولــع بـالقلـب حسـره ونيـران

....

‏بيتن عجبني ياعرب يقعد الراس
رضى البشر يا ناس ماهو فريضه

اعيش جوي واترك الناس للناس
مالى ومال اهل العقول المريضه

....

ستر المواجع داخل القلب راحه
‏لو يمتلي صدري بها ماتكلمت

‏ماهو جديد القلب يخفي جراحه
‏ولاهو غريب الضحك مهما تألمت

....

‏الوقت قاسي ومنة النفس مقهورة
‏والحزن في وقتنا القاسي يحاصرنا
‏
‏يالله وان جاتك الدعوات مكسورة
‏افرد جناح الرضا واجبر خواطرنا

....