اخترنا لكم شعر نبطي وفصيح

أنا يا رب لو كانت حظوظي في حياتي قلّ
‏عزاي إنك لطيف وكل شيٍ موكلك امره

سبحانه

‏انا ماهمني لاصار سيلي عارفٍ مجراه
‏ابفرش ضحكتي بعيون كل الي يمرّوني

.....

تعال واخذ مَحلّك وأنت راعي محل
‏وأتركني ابدأ سوالفنا بتفكيرنا

‏تتوقع الناس فالمريخ والا زُحل
‏الأرض ما أشوف فوق ترابها غيرنا

.....

اكبر هموم القلب تركك للصلاة
والا ترى الدنيـا مشاكلها تهـون

ما تستريح النفس وتزين الحياة
إلا مع اللي يركعون ويسجدون

.....

قديمي وانت غافل عن مداي ولا سردت أعذار
أنا كم لي أصالح ماضي أيامك وأحاربها

.....

بيني وبين صويحبي وقّفتْ احوال
‏يامن يدير الصلح بينه وبيني
‏
‏واعطيه ماتملك يميني من المال
‏واجعل مقرّه بين جفني وعيني

.....

ودع الليل العتيم ولا تمره
وكل ذكرى طالبك حس بوجعها

وإن تلقيت الليالي وشفت جره
صد عنها لا تفكر تتبعها

من عرفتك ماعرفت الا المضره
وقبل اعرفك اعرف الدنيا وسنعها

يا حبيبي لا تضيق ولا اتشره
وانت تدري في غلاتك ما اصطنعها

الحياه إن ضايقتنا مستمره
والحزن مافاد هالناس ونفعها

.....

‏انا ويّاك رحنا والزمن اللي جمعنا راح
‏ولكن ذكرياتك من خيالي وش يروّحها

‏صورك استوطنت ذاكرتي وعاشت بسبع ارواح
‏لو يطول الزمن مايقدر يشوّه ملامحها

.....

اليا زعلت انتبه ترضى على ادنى كلام
من يضمن رضاك ما يحسب حساب زعلك

مسهوج الدوح

أنا بين التجاهل والضجيج ودوشة الإدراك
‏ أفتّش عن مفاتيح الطريق وألقاك قدامي

.....