ديوان قصائد لشعراء المملكة العربية السعودية (متجدد)☘️☘️

قصيدة سلام يلي فز قلبي لطاريه
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
88 مشاهدة

سلام يلي فز قلبي لطاريه

من فرحتي به فز قلبي وهلا

أغليه من بد البشر مولع فيه

ولا غيره أحدٍ في كياني تعلا

من هو صغير لين بانت مواريه

واصبح مثل بدر الدجا لا تجلا

الله من أعيون المخاليق يحميه

ماله شبيه الا البدر يوم طلا

ودي عن أعيون الملا بقلبي أخفيه

ما ودي أحدٍ ينظره ويتحلا

أغار يوم الناس بسمه تناديه

ولرضا حدٍ لي يمدحه أو يزلا

من يمدحه لي قلت له وشتبي فيه

والي يسبه راح مني مذلا

يعني ما بي مخلوق بالكون يطريه

غيري ولحدٍ في طريقه يحلا

حقه علي أمشي له بطوع وأرضيه

رضاه واجب لو حبيبي تغلا

لو يطلب أغلا ما يبي لازم أعطيه

من المستحيل أرفض وبا قول كلا

قصيدة حي الله اللي دعاني في حروفه طرب
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
90 مشاهدة

حي الله اللي دعاني في حروفه طرب

شاقتني أحروف شعره يومه اسند علي

وبدا بن حاوي ينظمها ومنها اقترب

واشتاق لحروفها وجت له على ما يلي

يصوغها صوغت الصايغ لعقد الذهب

لأطرزه بين ياقوته وجمع الحلي

وصار ايتحلاه في جيد لعقده قرب

يا بو حمد فاق عقده وابتلا المبتلي

في عين زرقاء اليمامة وَسَط ذاك الهدب

في موجها ضاعت أفكاري وعقل ملي

ما عاد يمديني التفكير قبل العطب

صابتني اعيونها في سهمها المرسلي

قصيدة لاتحزني
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
89 مشاهدة

لاتحزني لاتيأسي لاتلومين

يانور عيني ذالمقدرعلينا

هذا المقدر حطه الله على ثنين

انا وانتي بالعذاب التقينا

انتي عرفتي ماجرالي من البين

وانا عرفت اعداي والي يبينا

عبره واخذناها للأيام يازين

لأيامنا الي قادمه والسنينا

درس وحفظته وأن نسيته لا تنسين

لاتجهلينه دئما ذكرينا

هذا اذا حنا لبعضنا قريبن

واذا تفرقنا عسى الله يعينا

تلافي العبرات ياقرة العين

ماعادينفعنا البكا لوبكينا

خليني اسعد في وجودك لاتبكين

خلي الدموع ليافقدنا حدينا

قصيدة سوآلف ليل
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
90 مشاهدة

سوالف ليل مليانه حكم وامثال نفهمها

ولكن يوم نرجع للحقايق مانلاقيها

كأنا ماخذينا دروس نكتبها ونترجمها

على كل اللغات السايده نشرح معانيها

نصر ونلزم اعدانا على مانريد نرغمها

وترضخ للشروط الي نبيها ومين يخفيها

أمانيناكبيره بس نرضى ونترك اعظمها

ولوأنا أصريناعليها كان نجنيها

ولاينعم بهاغيرأهلهايعبث ويظلمها

ولاداس الحرامي في حماها وصارحاميها

تجاهلنا الكثير من الأموروناخذ اسلمها

على سلس الطريق أقدامنا دايم نوطيها

ولانحب الخشونة كان فيهاالعنف يحكمها

ولانحتاج للتفكيرفيها ولاندانيها

ترف فينا نعومة والحضارة زادة أنعمها

ولونسترجع الماضي بكامن هول مافيها

قصيدة ردي على قصيدة سعيد العمودي
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
88 مشاهدة

قريت خطٍ حددالأسم عنوان

صفحة بريدي شرفت في مباديه

وأستنفرت كل المشاعربالأذهان

صارت ترحبه وتقراء معانيه

في جوهرالمعنى بهاكل تبيان

والطيب ساسه من زمن مقترن فيه

اهلآ عدد ماطارطيرن بجنحان

وماسارفي وجه الثرى في مواطيه

من شان عين تكرم اشعوب ووطان

سعيد لويطلب عيوني نلبيه

لاهنت ياسرحان يالذيب سرحان

يالنادرالي عارفينٍ مساريه

هذا الزمن مادام طيبه للأنسان

لوطاب له لابد ياذيب يبكيه

عاده عيون أهل الهوى تبكي أحيان

وراع الهواء لامن بكاء من يواسيه

نحب لكن من نحبه بلاأحسان

اذاحصلّه يدمي القلب يدميه

حبيت قبلك بادلوني بنكران

سهم الهوى فيني ولازلت اعانيه

قلبي غدى ساحة تجارب ونيشان

لسهام عينٍ مارحمتني وترميه

ياصاحبي كل الهوى طيش واجنان

مابزمن هذا حبيبٍ تصافيه

قصيدة تروح
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
87 مشاهدة

تروح وتترك الي في غيابك حالته حاله

نسا دنياه في لحظة غيابك انتهى أمره

نسا بيته نسا ربعه نسا الفرحه نسا أشغاله

ولكن مانسا أنه من غيابك داخله حسرة

تروح وماتوادع من شكالك هم غرباله

تطوقني همومي لين أعاف الكون في أسره

تروح بغيبتك كل الأمآل وتقطع أوصاله

سكاكين الألم مالي على ظيم الألم قدره

تروح آمال لكن ماتروح آلام تغتاله

على كل المواجع لين منها ينتهي عمره

حبيبي خذ قصيدي بعد فقدي غن موآله

ترا لولاك ما خط القلم بالطرس في حبره

قصيدة عندالخبر
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
87 مشاهدة

عند الخبر شدتني اشواق ذكراه

تفرجت وسط العيون الينابيع

سالت كما سيل تحدر بمجراه

وكثرت على حال العليل المواجيع

على وليفٍ كل ماحل طرياه

تطري عليه سابقات الماضيع

يحن له قلب شفيقا بلاماه

والبعد والله مزع القلب تمزيع

قلب تعذب واحرقه هم دنياه

لامسعده وقته ولاهو لي مطيع

عزي لمن مثلي زمانه تحداه

حطم حياته ولأمل والمشارع

وانها طموحاته بعد ماتوطاه

ماعاد ينع فيه لومن وتشجيع

قصيدة لا تحسبني يوم صديت ناسيك
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
86 مشاهدة

لا تحسبني يوم صديت ناسيك

يلي بقلبي ما تغير مكانك

ابقى وفي مخلص وأقدرك وأرضيك

واطلب من الله ما يحرمني حنانك

أشيل همك واعتني بك وأداريك

اشتاق لك أنت الوحيد بزمانك

من زود شوقي ودي أصرخ وناديك

من لهفتي أبي ارتمي في أحضانك

مثل الصغير يوم تحضنه أياديك

يأمن على مستقبله في أمانك

فاقد حنان وكل محتاج له فيك

سبحان من صور جمالك وصانك

الله سبحانه من الحسن معطيك

روعة جمالك روضةٍ من أجنانك

شفه يشاهد روضة الحسن مغليك

خله يمتع ناظره من أحسانك

بمشاهدك وان كانه الشوف ياذيك

لا عاش من كدر حياتك وهانك

قصيدة صوتٍ يناديني
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
85 مشاهدة

صوتٍ يناديني ورا ذيك الأطلال

كل المشاعر وقفت له تنادي

جميع مافيني تداعاله وجال

حسيت باعضايه تحاول جهادي

رجلي تسابق ثانيتها بالإقبال

وعيني تحدد موقعه باجتهادي

ونفسي لها في وصلة الصوت منهال

تبغى تعل وترتوي بزديادي

وعقلي ذهولٍ بين رجلي وخيال

وصمم على ترك الفرس من عنادي

مشيت وأقدامي عليها المدى طال

حتى بلغ جهد المشي من مرادي

وصلت عند اللي جلب كل الامال

من بعد ماني عنه أنا كنت غادي

أمس بظلامٍ ليل وهمومي جبال

أقدح ولا تولع فتيلة زنادي

واليوم أنا عن حالتي أمس في حال

أمس النكد واليوم يزهر فؤادي

لو بالحجارة إحساس وقف له إجلال

لبى الجماد لصوته بصوت هادي

لو يسمعه جن العفاريت يهتال

فرو وسلك له وادي غير وادي

قصيدة ماضي ولايرجع
الشاعر: متروك حاوي العنزي متروك حاوي العنزي
#العصر الحديث
#المملكة العربية السعودية
0
83 مشاهدة

مافيه صوتٍ نسمعه مافيه نوربهالظلام
سكون مايكسرحواجزهيبته الا الزحام
..ياكيف اسلي حالتي بعدالأنس ياوحدتي..
كانوهنا وكنا هنا نحكي عن اعلوم الغرام
وين البشر ماكنهم غنوا لنابعذب الكلام
..اليوم ظلمه ديرتي والقلب يشكي حسرتي..
أشفق على حالي وهي تشفق علي من الملام
كنا سوا نسمر سوا نمشي سوابين الأنام
..ياحائرة من حيرتي معقول ترجع فرحتي..
راحت علينا بس ذكراها تودعنا وتسقينا هيام
ماضي ولايرجع وأنا باقول للماضي سلام