اخترنا لكم شعر نبطي وفصيح

تجيبك في ربوع الذاكره يا صفوة الخطّار
‏مقاديرٍ رمت بك في طريقي وانت ما تدري

‏على ربعة خفوقٍ مرحباه يعيدها تكرار
‏لاجيت تقوم من كثر الحفاوه قال لك بدري

.....

ابي طريق بدون نقطه ورادار
‏با ابعد عن الازعاج واروح سيده

‏من ضجّة العالم ومن زحمة الدار
‏زاد الملل والصبر على الحديده

‏خلوني اطلع يا طويلين الاعمار
‏لين الخيال الواسع افك قيده

‏واليا سريت مع الطواري والافكار
‏اما رجعت بجرح ولا قصيده

.....

‏ياوجودي ⁦ لا⁩⁦ أقبل⁩⁦ الليل⁩والصدر محشور
‏والبلد غيم سماها وغاب اهلالها

‏ويش اسوي في سؤالٍ على بالي يدور
‏عقدةٍ فالحبل ما حلها حلالها

‏ادري إني لو تعذرت مانيب معذور
‏هقوة الطيب على الناس تفرض حالها


.....

لو لي ثلاثين بال تمر في كل بال
كنك موصي على بالي وطبعك عجول

ايه والله اشتقت وايامي بدونك ثقال
واشتقت لجروحك اللي كم لها من قبُـول

.....

خذ من السّعه إياك تاخذ من الضيق
‏ما ضاقت الدنيا الوسيعه بأهلها

‏وسج القـدم والله عليه التوافيق
‏ وأليـا جفتك الدار دور بدلها

.....

‏لا توصّي وانت ما تحتاج في حبّك وصايه
‏وين اروح ووين اوجّه وانت في كل النواحي

‏ما يفرّط فيك غير اللي معه قلّة صحايه
‏مستحيل انه يفرّط فيك مستبّصر وصاحي

.....

لييَيت من يدري بحبه وياثق من غلاه
‏لا سعى في جروح قلبي سعى فاعلاجها

‏واحدٍ ربي من الزين والقبله عطاه
‏يستللم عرش المحبه ويلبس تاجها

‏مثل ما يحتاج الانسان للماء فالحياه
‏الدروب اللي تودّي عليه احتاجها

.....

ما دام الحياة الفانيه فانيه لا بد
فلا تعطي اوقاتك سوى من يثمنها

.....

ظروفنا كثرت وقلت خطانا
ولا عاد ندري وش جديد الجماعه

يطيب جرح وجرح قام يحدانا
والناس تحسبنا نحب القطاعه

.....

لا تعاتبني تراي من الزمان اعاني
‏يا رفيقٍ جعل ربي مايغيّب شمسه

‏الظروف تخلي الأنسان واحد ثاني
‏لين يوصل مرحلة ماعاد يعرف نفسه

.....